Ka Hoku o Hawaii, Volume XXXIX, Number 8, 14 June 1944 — Ka Aha Mokupuni [ARTICLE]

Ka Aha Mokupuni

He mau pule helu wale no koe a hoea aku kakou i ka manawa e noho mai ai ka Aha Mokupuni ma Hilo nei. Ke hoopuka e aku nei nae hoi makou i mea hoomanao na kela ame keia Ekalesia o na Ēkalesia Ahahuina o ka mokupuni o Hawaii nei, i vvahi no lakou e ikei iho ai a hoomaopopo i ka lakou papa hana e hoea mai ana. Malia paha e olelo iho ana kekahi poe heaha ko makou pomaikai i keia mau mea a ka Hoku e hoopuka mai nei. He ekalesia okoa no ko makou. Ao!e makou e hoomanao ana ia lakou ma na mea e pili ana 1 keiā hana. E hoopuka ana no makou no na poe malalo o keia mahele. Able he waiwai o ka waiho ana aku a kokoke !oa i ka manawa alaila hoaīa ae i na manao paipai no ka hoomakaukau ana o kela me kēia ekalesia i kona mahele no ko ke Akua aupuni. Mai lilo keia mau mea a makou e hoopuka aku nei i mea na oukou e uiha ai a hoopau ae i ka lawe ana i Ka Hoku. Eia makou ke kokua nei ma na hana e pili ana i ko ke Akua mahele, a he lehulehu na mea a makou e hoopuka nei e pili ana i na hana a ke Akua me ka uku ole ia mai. Nolaila, e hoao mau ana nohoi makou e panai aku i na hana maikai no ka pono o na kanaka o Kona kihapai. E like me kau e hana aku ai NONA pela no auanei OIA E panai mai ai i na pomaikai he nui. Nolaila, ke hoike a ke hoomanao ia aku nei oukou, e noho ana ka Aha Mokupuni o Hawaii nei ma ka mahina o Aukake ae nei a e hoomaka ana mai ka la 18 aku a pau i ka la 20. E hoomaopopo loa i keia, a i keia manawa no hoomakaukau e, a i hiki mai ia manawa, ua makaukau e, aole he hoaa ana. Oka mea hoomakaukau mua no, ē lako ana oia, a o ka mea hoopaneenēe, he hoa-a ka hope. Aole no he hewa o ka hoomanao mai ma na mea i hiki ke kokua mai. Ua oluolu o Paulo i na mea liilii apau. I na i makemake oe no ka kokua ana s mai poina e hoike mai i ka lohe ia Harry K. Brown, a i ole i ka Rev. Moses Moku, aia i ka mea e loaa ana, i na ma ke kala a i ole ma kekahi mau mea e ae paha. E haawi i ka ke Akua na ke Akua a o ka Kaikala ia Kaikala.