Ka Hoku o Hawaii, Volume XXXIX, Number 9, 21 June 1944 — Ke Kulana Limahana [ARTICLE]

Ke Kulana Limahana

Aole mamua aku nei i ike ia ai a hoomaopopo ia ai paha na mea e pili ana i na limahana, aka, i keia manawa wale no a kakou e noho nei. Ke ike ia nei i keia manawa i ka nele ana i na limahana no na hale oihana o kakou. Mamua o ko kakou komo ana iloko o keia kaua we!iwieli, he nui a lehulehu na poe e noho wale ana me ka loaa ole o ka hana, a i ka hoomaka ana iho nei o keia kaua, ua nui a lehulehu na hana no ka hoonee ana i ka oihana kaua imua ua haalele iho la he o na poe makemake hana~T ko lakou mau home a hele aku la no keia mau wahi i loaa ka hafta me na ukuhana nunui.

I kinohi aole i ike ia keia pilikia, aka, ua hiki maila i ka wa i hōomaopopo ia ai ua nele maoli kekahi mau wahi i na poe kupono no ka lawelawe ana i.na hana. Ke hoolaha nei kekahi mau hale oihana i weheia iho nei no ka makemake ana i poe kupono no ka lawelawe ana i na hana i makemake ia. •

Aīoie wale no nae hoi i pokole i na limahana kane aka o na wahine pu kekahi, Ke ike ia nei keia pilikia ma Hilo nei. Aia he mau haleaina lehulehu ame na halekuai i pokole i na limahana, na kane ame na wahine, a ke hoopuka ia nei na hoolaha no ka makemake ia i poe lawelawe maloko o ia mau haleaina ame halekuai. E like me na olelo i laweia mai, he nui ka hana ma Honolulu i keia manawa a ua makemake ia na poe no ka hana ana malaila. Ua mehameha pu iho !a kekahi mau wahi no ka pau loa o na poe i ka hoi i Honolulu,/Oiai no nae hoi he manawa keia no na poe apau e ohi ai i na uku kiekie, a no ia kumu paha i haalele iho ai i ka lakou mau hana ma k«kahi mau wahi e ae. Ke ike ia nei keia pilikia ma Hilo nei Aole wale no i pokole i na poe nunui aka i na poe opiopio pu kekahi. O ka makou e iini nei e hoopau ia ae keia pilikia pokole i ka limahana ma kekahi mau mokupuni eae.