Ka Hoku o Hawaii, Volume XXXIX, Number 18, 23 August 1944 — Ka Mea E Haaheo Ai [ARTICLE]

Ka Mea E Haaheo Ai

Eia iwāena o kakou n$ mana 'koho, na palapala holo moho like ole e lawe ia nei no ke kakau inoa ia ana, a o kekahi nohoi ua pau mua i ke kakauinoa ia a eia ke paa ia mai nei e~na poe i kuleana ma ia mahele e like me ka ke kanawai i kau mai ai. Aole no e kala kahiko i paila ai na ipuhao kalaiaina, aka, o kekahi poe hoi akahi no a hoolei aku i ko lakou mau papale iloko o na apo poepoe o ke kahua kalaiaina. He nui a lehulehu na poe e lohelohe ia nei e alualu ana i na kulana kalaiaina like ole. Ma ka nana ana aku i na kulana maoli o kekahi o na moho e wawa i mai nei, me he mea ala he piha-a no ke kuahiwi i laweia mai e ka wai nui o ke kahawai a waiho ana i kahakai. He piha lauhulu kekahi o lakou no na Kbna. Ma kekahi hookuku ana aku ike kulana o na poe e alualu ana i keia mau kulana, aia he poe i hiki ke hilinai ia aku e hooko ana i ka hana me ka hoomanawanui, a o kekahi poe hoi, he "Ku ka liki i Nuuanu", aohe wahi mea e loaa ana. O ka hele ana o kekahi mea no ka hana ana i mau kanawai e pono ai ka lehulehu, o lakou na kanaka kupono loa, i na nae hoi e hooko ana i ka Kana no ka pono laula o na poe ap§u, aole Hoi no na poe kakaikahi. O na ppe e hooko ana i na hana kaulike, he mea ia no lakou e haaheo ai, a e mau ai hoi ke ala o ko lakou mau inoa imua o na mana koho. Oia ano poe aole e hiki ke hoohiolo ia, a no ka mea, uā hookahua i ko lakou kahua maluna o ka .pohaku, aole hoi maluna o ke one, a kahe mai ka wai o ka hoohilahila ja ame kā hoowahawaha ia, e hiolo ana i ka wa e hoea mai ana. E hoohamama i na pepeiao a e hookaakaa mau i na maka i ka wa e hookomo ia aku ai kekahi mau kanawai e poino ai ka lehulehu, e hooikaika e kulai ia mau mea, aka, i na e "hina i Puna a kalele i Kau," e pau pulu ana iloko o ke eke a Hagai, he naio ka mea e loaa ana. Mai no a kaena iho, i kau mea i hana ai, no ka mea aole nau e pai ia oe iho, aka, na kau hana e hapai ae ia oe iluna, a na ka lehulehu e kaena ia oe. He nui na poe oia ano, he kaena. I ka wa nae hoi e hiki ole ai ia lakou ke hooko i ka makemake o ka lehulehu, e lohaloha ana a kulou ke poo ilalo, a no ka mea, aole i hooko ia ka makemake o ka lehulehu. E kaupaona like i ke ano o ke kanawai e hookomo ia ana. I ike oe aole he maikai oia kanawai, e paio kue me ka ikaika. Mai Hoohuli i ke alo i kahi e a opea i ka lima ma ke kua i wahi e lanakila ai ke kanawai maikai ole, E hapai i ka umauma a kiekie a paio kue aku. Mai nana i kou pono kino iho ame na pomaikai e loaa mai ana ia oe, aka, e nana i ka pono o na poe nana oe i hoouna aku ia oe. I wahi e mau ai ka hilinai ana o ka lehulehu ia oe, e hooko me ka pololei. No ka mea o na balota e loaa ana ia oe ma ka la koho, ua oi pa umi a pa

haneri aku ia mamua o ke gula ame ka kaimana. Mai haanui wale, e hoi iho no ilala, o ka apakau ana aku iluna, a i haule iho auanei, he eha ka hopena, Aole he eha ma ke kino aka, ma ka naau. Mai lawe mai i kela ano ma i e hekau nei maluna o na moa, he "poo pehu . Oka mea hoohaahaa, e hookiekie ia ae ana oia> a o ko mea hookiekie e hiolo ana oia e like me ke kulanakauhale o Babulona." "Mai hoino wale aku i kou hoa holo moho, a no ka mea, e lilo auanei uahoino ana aku au x mea e hoeha mai ana ia oe mahope aku i oi aku mamua o kau l hana aku ai. E waele mua i kou mau hemahema, a niai nana i ke kee o kekahi mea okoa aku." O ka makou keia e uwalo aku nei imua o kekahi o iyv moho e alualu aku ana i na kulana kalaiama. Eoluolu e lawe a moni i ka makou a'o ana, i loaa ai ka hanohano ame ka haaheo iloko o kou puuwai.