Ka Hoku o Hawaii, Volume XXXIX, Number 20, 6 September 1944 — HAAWIPIO MAI I KEKAHI KOA AMELIKA [ARTICLE]

HAAWIPIO MAI I KEKAHI KOA AMELIKA

O kekahi meahou ano kupaianaha i loaa maila, no ka haawipio' ana mai nei o kekahi Akimalala Kelemania me 27 o. kona mau hoa ame 340 poe Kelemania maloko o kekahi halemai imua o kekahi Kakiana Amelika oiai oia e waiho ana ma kahi moe me kona wawae i hai a paa i ka wahi' ia. Ua ae aku la keia kanaka Ameiika i ka. haawipio ana maila o kela poe he 375 he eha la mahope iho o ke komo ana aku o na pualikaua Amelika s?ia Palani Hema. Ua makemake kela kanaka Amelika e hoike ia mai kela lono i kona makuahine, a mamuli o ke kanawai kaua, ua hiki ole, a ma,hope mai nei ua hoike ia maila. |Ua haawipio mala kela Akimalala IKelemania me kona poe lawelawe |imua p kela kanaka, oiai no nae hoi, oia wale no ke kanaka ,\melika malaila, a fie 20 mile hoi mai kahi e hoolau ana na pualikaua Amelika. Ua kau nae hoi ka weli i ua, Akimalala Kelemania ala, o lohe aku auanei na poe Palani e noho kokoke ana malaila a kii mai e hopu ia lakou a paa pu hoi i ka haiemai. No 12 hora ka paa ana a kela koa i kela poe a hiki i ka hooa ana mai a kona Lukanela Konela j a lawe ae la i ka halemai malalo iona a pela pu nohoi me na pio.