Ka Hoku o Hawaii, Volume XXXIX, Number 23, 27 September 1944 — Heaha Aku Ana La Ka Hope [ARTICLE]

Heaha Aku Ana La Ka Hope

I hoopuka ae ]a makou i kela poo manao maluna i wahi no kakou ame ke ao holookoa e ike a e hoomaopopo aī i na mea e hana ia nei maluna o na kanaka a ke Akua i hana mai ai. Aole ma kekahi mau kaua ae nei i hala a i hoomaopopo ia ai na hana hoomainoino e Hke me keia kaua. Ma na moolelo o ke.ao nei o ka apiopio o ka honua nei ua hana ia no kekahi anp hana ia au, aka, he mau kumu nae hoi ka hana ia ana oia hana ia wa. I keia au hoi aole he kumu i hana ia ai ia hana. CXa no keia, e like me na mea i hoike ia mai e na poe i ike maka iloko o na kahua kaua i hooili kaua ia mai nei ma Peleliu . Ua loaa aku la ma kekahi mau punana o na pu kaua nunui a na Kepani, na pu kaua nunui ame na poe na lakou e lawelawe ana i nā hana no ke ki ana i tia mau pu kaua la, ua kupee ia na lima ame na wawae o na koa Kepani e ko lakou mau aliikoa, i wahi e hiki ole ai ke mahuka aku a haalele iho ina kahua pu kaua. Na kumu o keia hana ia ana paha i wahi e hiki ole i na koa Kepani ke haalele iho i ko lakou wahi e ku ana a paio aku i ka enemi. Ke nana iho kakou i keia mau mea e hana ia mai nei e na Kepani maluna o ko lakou mau koa ponoi, me he mea ala ke hoomaopopo aku, ua hoolilo aku lakou i na koa me he mau holoholona ala. Ua hana ia hoi keia hana me he mea la aole he hilinaf ia aku o na koa e na aliikoa. Aole i lohe ia iloko o ka moolelo o Amelika no ka lawelawe ia ana o ka hana ma o ke kupee ia a o na lima o na koa ame na wawae a hoopaa iā ilia kahi o na pu kaua e ku ana. O kekahi o na mea i hoike i mai, no ka loaa ana aku no o na koa Kepani me ka paa o na lima i ke kupee ia maloko o na ana. Ke ike ae la no kakou i ka hana a keia lahui, a aole no i nele ko Kelemania hana ia hana hookahi, koe wale no aole i loaa aku na koa iloko o ke kulana e like ae Ia me na Kepani. Heaha aku ana la ka hopena o keia poe?