Ka Hoku o Hawaii, Volume XXXIX, Number 25, 11 October 1944 — Hoea Maila [ARTICLE]

Hoea Maila

Ma kela Poalua aku nei i hoea mai ai o Senatoa Aliee Kamokila Campbell i Hilo nei no ka hui pu ana me na hoa a moho kalaiaina Demokalaka, a komo pu hoi me lakoai ma ka haiolelo ana aku imua o na mana koho o na wahi like ole a lakou i kipa aku ai. Ma ka hoomaopopo aku a e like me ka nune ana ae a kekahi poe, ita nele ahei o Hawaii nei i na poe maikai no ka haiolelo kalaiaina ana aku imua o na mana koho a puni keia kalana. I na ua nele <3 Hawaii nei i na poe kupono, alaila he poe hupo maoli ka ko Hawaii nei, i hiki oie ia lakou ke lula a hooponopono i ko lakou k-a-lana.

Oiai no nae hoi, aole he kanawai e papa ana i kekahi aoao kalaiaina mai ke komo ana mai o kekahi mau lala oia aoao kalaiaina mai kekahi mokupuni mai no ka hele ana mai e kokua i ka mokupuni i ike ia ka nawaliwali o ke kulana kalāiaina. Na oukou no e kaupaōna i ke ano o keia ano hana.