Ka Hoku o Hawaii, Volume XXXIX, Number 36, 27 December 1944 — Awaiaulu Ia [ARTICLE]

Awaiaulu Ia

Mahope iho o Kc anaina pule o Ita Ekalesia o Halli o ke Sabati lho nei i awaiaulu ia <ae fti kekahi mau opio o Hilo nei ma ka hiptru maemae maikai o ka mare, a hooliio jaua i hookahi, he kane a wahine. 0 keia mau opio oiā no o Tandy Kualii, ke keiki hiapo a Mr. ame Mrs. William K. Kualii o ka Home Hookuonoono o Waiake'a me M!ss Juanita Supe, kekahi o na ui opio -a kalkamahine hoi a Mr. ame Mrs. Gus Supe o ke Alanui Kinoole a he mau kamaaina nohoi no Hilo nei ame Puna Paia Ala i ka Hala. BSa o Tandy Ku-alii iloko o ka oihana kaua e hoolulu nei ma HHo nei. Mahope iho o ke anaina puie, ua akoakoa ae la nohoi kekahi poe i ake e ike i ka maloma ia [ ana p ke anaina mare, ua kakali iho la no lakou apau. Ua hoea mua mai nohoi ka wahine mare a noho maloko o ka Hale Kahu. Mahope iho ua hoea maila ke kane mare ma kona ku aoao, a i ke kani ana o ka hora 12:30 p. m. ia manawa i kani mai ai ka okana a kai aku la ka poe no loko 0 ka luakini a aole no i liuliu iho ua komo maila ke kane mare me kona ku aoao a i ko laua ku ana aku imua o ke kahunapule. Ia manawa i ku mai ai o Mr. Jofreph Kalima me kana kaikamahine a mele i kela mele kaulana i haku ia e Mrs. Helen D. Beamer; "Ke Kali nei au. la laua e mele anana komo inaila b>a wahine mare e paa ana i ka lima o kona makuakane aloha e ukali ana hoi 1 ke kaikamahine paa pua, a i ko laua ku ana aku imuā o ke kahunapule; ua lawelaweia na hana mare e ke kahu Rev. Moses Moku, a hipuu ia iho la laua he kane a wahine. 1 ka hooki. ana iho keia o na hana mare ua kai maila ka paa rnare no waho a i ukaliia ku aoao a mahope mai na makua o ka wahine a mahope mai nohoi ka makuahine o ke kane me kona kaikuahine.

I ka hoea ana aku keia iwaho 0 ka luakini o ka manawa iho ia ia o ka ohana ame na makamaka 1 hele pakahi aku ai a haawi i ko lakou mau aloha i na opio me ka haawi pu suaa aku nohoi i na olelo kaukau no ka pono o na opio o Jko laua noho ana aku no keia mua. I ka pau ana Ua. kau aku )a iaua maluna o ke kaa a hoi aku no ka home o nam*akua o ke kane, Mr. ame Mrs. William Kualii, a malaila i malamaia ai kekahi paina nui i hooimkaukauia ai no na opio. Ua piha. aku nohoi kela paina i na poe i kono ia, a ua haule iho ia nohoi lakou a pai»a i ka lokomaikai o na niea nana i hoomakaukau i na mea e hoohauoli ai i ka la o keia mau apio. Ke komo pu aku nei ka Hoku O Hawaii no ka haawi ana aku i «a hoomaikai palena ole i keia mau opio a kakou Hawaii, a e hoomaikai pu mai nohoi ke Akua ia laua i ko laua noho ana aku o keia mua aku he kane » wahine. Ke haawi pu nei nokoi i ke «loha ame na hoomaikai piha i na makua o ka waliine opio no ka Mlo ana o kekahi o ka laua tnau kaikamahine I makuahine no keia mua &ku, a pela nohoi i na makua o ke kane, e liio hoi ka laua keiki 4 makuakane maikai no keia mua «kU. ■ :