Ka Hoku o Hawaii, Volume XL, Number 10, 4 July 1945 — Owau No Ke Ala [ARTICLE]

Owau No Ke Ala

Mr. Solomon Anakalea, Aloha nui E oluolu mai kou ahonui ina he lumi kaawale kekahi o ka Hoku o Hawali nou hoi ia lumi. No kela Poomanao- e kau ae lā maluna. Ke kono ia aKu nei na Kula Sabati O Kona Kaiopua i ka lai. Eia i Lanakila nei ko kakou Hoike Hui o na Kula Sabati o ka Ia o ka lanakila ke pa.u ke kaua. Uā hooholo ko'u Kula Sabati i ka manao o ko kakou Kahu Kula Sabati Nui o Mrs. Emmaline Upchurch e hui kakou ma Lanakila nei. Ua pau ke kaua o Europa, ua lei o Amelika i ka lei o ka Hanohano ame kona mau Hoahui, a ua hauoli na mea apau. Ua pau aku la ko kakou Hoike Ku*a Sabati ma Milolii, Hauoli ka manao i ka la 27 o Mei. Hookahi Hoike i koe o ka la o ka lanakila, ka la e lei ai o Amelika i ka lei o ka lanakila ame kona mau hoahui ame oe pu e Hawaii Moku o Keawo, e lei haaheo nei i ka Lehua. E hele like mai kakooi e hoomaikai i ke |k£ifel Hiwahiwa a ke Akua ame kona Makua, ko laua | haawi ana mai i ka lanakila ia AmeUka ame kona mau, hoahui anie kakou apau. Owau iho no me ka haahaa William Kelii | Kainaiiu, N. Kona, Hawaii ,