Ka Hoku o Hawaii, Volume XL, Number 12, 18 July 1945 — Pauaho Maila [ARTICLE]

Pauaho Maila

Ma ka hora 11:00 o ka Sabati, lulai 8, i pauaho mai ai o Lohiau O. Kuawaa o ke Alanui Manono i keia ola honua ana i ka 93 o kona mau makahiki. Ua kali ia ka malama ana kona anaina hoolewa a iioea mai kona ohana mai Honolulu mai. I ka hoea ana mai o ka ohana, ua hoihoi ia aku kona kino wailua & hoomoe ia ma ka pa ilina ma Kona Hema. Ua haalele iho oia he ekolu mau kaikamahine, o Mrs. Mary Kuanoni, Mrs. Anna Amaral o Hilo ame Mrs. Aliee Chew o Honolulu; he elua mau keikikane o John o Honolulu ame Sam iloko 0 ka oihana koa ame na moopuna lehulehu e kumakena aku ana nona mahope nei. Nui no ke aloha o ke Akua i ka haawi ana mai 1 keia makua a piha ke 93 makahiki. Q keia no kekahi o na makamaka heluhelu o Ka Hoku O Hawaii. Ke komo pu aku nei makou me ka ohana no ke kaumaha pu ana no ka mea aloha i haalele mai i keia ola hona ana.