Ka Hoku o Hawaii, Volume XL, Number 21, 26 September 1945 — Ka Manao Kanawai [ARTICLE]

Ka Manao Kanawai

Ua hoike a'e kekahi loio o Kikako i kona manao kanawai e pili ana i na wahine o na poe o na mahele kaua o Amelika i komo aku i ke kaua, a i male aku i na kane hou, me ka manao ana ua make ko lakou mau kane ma na kahua kaua like ole, Ua hoike a'e oia aole e loaa na pela nolunolu no lakou. He nui a lehulehu wale o na wahine he mau kane ka lakou i mare aku i na kane hou' me ka manao ana ua make ka lakou kane. I ka loaa ana aku o ka hoike ia lakou mai ka oihanā kaua aku, ua make k? lakou mau kane, aka, mare koke aku la no ia i kane hou. I ka hoi ana aku keia o ke kano mare me ka manao e hui aku ana me kana wahine e kakali mai ana, eia na'e o ka mea e halawai mai ana me ia he kane okoa ke noho pu mai ana. Ua hoike a'e keia loio, e hana aku ana oia i kekahi hana e hiki ai ke hoopau ia keia mau hana mare lehulehu. Ua hoike a'e kekahi kanaka i komo ī keia kaua, i kona huli hoi ana aku no kona home mahope o kona hookuu ia ana me kona manao e hui ana oia me kana wahine ame ka laua wahi keiki me ka hauoli. I ka ike ana"Tnai o kana wahi keiki iaia. ua holo maila a pane maifa, "e kuhi ana au ua make oe? He makuakane hou ko'u." I ke komo loa ana aku o ua koa nei iloko 0 ko lakou home, e noho mai ana ka wahinē me ke kane hou ana i male ai he manawa mamua aku, Ua manao oia e aahu hou i kona mau aahu mamua o kona kona ana i ke koa, i nana ka hana e aahu mai ana kona punalua i ua mau aahu la. Aohe ana hana pono o ka hoopii koi poho wale no 1 kana wahine ame ke kane hou. He nui na koa i hoi aku ua male ka lakou mau wahine i na kane hou. O ke kekahi kanaka ua hoi aku me na wawae ua muumuu mamuli o na hana a ke kaua, ua mare kana wahine i ke kane hou. Aole oia i makemaqe e kaawale mai ke kane hou mai. Malia paha ua hoowahawaha maila no ka loaa ana o na kina i kana kane mua. No keia mua lehulehu i ike ia e kela lōio' ka mea nana i hoala a'e i na manao iloko ona e hana i kekahi hana e hiki ai ke hoopau ia mau hana male lehulehu iwaena o na wahine a na kanaka i komo iloko o na mahele kaua like ole. Ma ka hoomaopopo aku, aole i kupaa kela mau wahine i ka lakou mau kane. I ka wa no i kaawale aku ai na kane iloko o ka oihana kaua, ua lawe koke a'e la no i kokoolua, a i hakalia no a loaa koke mai ka lono ua make ke kane ma ke kahua kaua o ka male koke aku la no ia i kana mea i aloha ai. j Hiki ole nohoi ke kakali hoomanawanui a hala paha he makakihi alaila noonoo aku i hoapili hou, Nana ole a'e nae hoi i ke dala e loaa mai ana iaia mai ka oihana kaua mai. O kahi o ka laki aole i ike ia kela ano hana ma Hawaii nei. Ina no ma Hawaii nei kela, aole no paha lakou e hana ana i kela hana e like me na wahine o Amelika. He manao maikai ko kela loio. He mea'a'o mai ia kakou mai hana ia hana hoowaia inoa.