Ka Hoku o Hawaii, Volume XLI, Number 9, 25 June 1947 — Ka Aha Mokupuni [ARTICLE]

Ka Aha Mokupuni

£ like me na mea i hoike ia mai ia makou ma kela mau pule aku riei ua hooholo ia e kekahi komite o na Kahunapule, kahi e noho ai ka Aha Mokupuni o ka mokupuni o Hawaii nei ma ka mahina ae nei o Aukake. tJa atio ku

nana no makou me ke kanalua o ka hiki i kahi wahaolelo a kakou ke hoolele aku i ka malamalama o lea ke Akua hana apuni keia mokupuni, aka, mamuli o KONA aloha ana mai, ua loaa he manawa e hoolele aku ai i kekahi mau wahi momoku ahi o ka malamalama iwaena o na pa hipa o Kona.Aupuni. Ua hooholo ia e malamaia ana ka Aha Mokupuni ma Napoopoo, Kona Hema e hoomaka ana paha ma ka la 27 o Aukake a pau ma ka la 31. Ke paipai aku nei no kahi Hoku o Hawaii i na pōe i makee i ka hana a ke Akua ame na poe puuwai 'aloha, i na he wahi lau oliwa kau o ke aloha no ka hoonee mua ana i na hana o ia Aha, e hoouna aku i kau kokūa i ka Rev. James L. Awai, Napoopoo. Ua pokole ka manawa no ke komite e lawelawe ai i na hana no ka hookipa ana aku i na hoa o ka Aha, nolaila, he poloai aku nei kahi Hoku no kau kokua no nā hana o ia kau. I na no he uuku kau wahi kokua a ua haawi nae hoi oe me ka puuwai hamama, ua oi aku ia mamua o ka haawi nui ar<a me ka naau minamina. Nolaila, e hoomohala i kou lima kokua i na poe na lakou e lawelawe ana i na hana. He kakaikahi loā na poe o keia wahi apana, a i na no he poe kekahi e makemake ana e hele pu a kokua ma ka lawelawe hana ana, ua pono no. Mai aua i leau no ka hana oko ke Akua āupuni. E like me kau e lu aku ai pela no auanei oe e ohi ai mahope aku. : Ua kokoke loa ka manawa, mai kali hoi a hiki i ka la o ka aha alaila noonoo ae no na hana o kā Aha Mokupuni. Iluna no ka ua, waele e ke PULŪ, wahi a kahiko. E ala e na paahana, a e alu like no ka pono o Kona Aupuni.