Ka Hoku o Hawaii, Volume XLI, Number 11, 6 August 1947 — KOMO HEWA [ARTICLE]

KOMO HEWA

Ua paa ae o Mrs. Agnes K. Ross i ka hopu ia, no ka loaa ana aku maloko o ka home o kekahi mea okoa aku a maluna hoi o ka moe okoa. O ka mea nona kela home i komo ia ai e kela wahine no Kapena Makai Dewey Mookini no ia o ka oihana makai o Honolulu. Ua hoike ae o Mookini no ka loaa ana aku o ua wahine la ma loko o kona hale a maluna hoi o ka moe o kana kaikamahine. I kona wa keia i ninau ia ai, ua pane mai oia aole i maopopo iaia pehea la oia i komo ai ma kela home. Malia paha ua luhe i ka wai o Paieie.