Ka Hoku o Hawaii, Volume XLI, Number 12, 1 October 1947 — Na Haumana Ma Kamehameha [ARTICLE]

Na Haumana Ma Kamehameha

Aia ma kahi o ka 24 mau keiki mai ka mokupuni aku nei o Hawaii he mau haumana ma ke kula o Kamehameha o na keikikane a no lakou na inoa malalo iho nei: Richard Akiona, Donald E. Auld, Edumund Char, Joseph Hao, Andrew Kahili, John Kalua, Charles L. Kama, Aba Kamakawiwoole, Herman Keala, William Keohuloa, Edward L. Kukahiko, Donald Lindsey, James Mersberg, Calvin K. Naipo, John Payne, John Peiper, ame Perinton Pollack, Theodore Richardson, William Rodenhurst, Reider Smith, William Smith, Gustavus M. Supe, Kenneth Tamanaha, ame Cliffor Victorine. Aia ma kahi o ka 984 mau haumana ma na kula ekolu o Kamehameha: he 329 ma ke kula hoomaka mua, a he 59 o kela huina he poe akahi no a komo ma ia kula. Ma ke ku!a o na Kaikamahine aia he 240, a he 54 o ia huina he poe hou. Aia he hookahi haumana ma kela kula o na kaikamahine mai Niihau mai a o ka mua loa hoi o na kaikamahine i komo ai ma ke kula mai Niihau mai. Ma ke kula o na Keikikane he 415 a he 120 o ia huina he mau haumana hou. O ke kiekie loa keia o ka huina o na haumana i komo aku ma na kula o Kamehameha, ua like me 50 ka oi ae i ko kela makahiki aku nei. He poe keiki wale no kela i komo ke koko Hawaii iloko o lakou pakahi. •