Ka Hoku o Hawaii, Volume XLI, Number 27, 11 August 1948 — Hoohalahala Imua O Na Makai [ARTICLE]

Hoohalahala Imua O Na Makai

Ua waiho ae la kekahi kanaka i kekahi hoohalahala imua o na makai o Honolulu no kona pulapu ia aaa e kekahi poe a lilo kana mau dala i hiki ma kahi o na tausani. E like me na mea i hoike ia ae imua o na makai, ua hete aku kekahi poe a koikoi i ua kanaka la e hele lakou i ka lulu ulu. Ua haawiia mai ka iaia ka huina o $100 ma ka hoomaka mua ana, a hoomaka ka lulu ana me ka $20.00. 0 ka hopena ua loaa iaia ka puka no ka huina o $20,000. Ua hoole mai ka mea i lilo ke dala no ka uku ana mai. Ua makemake ka oia e hoopiha ia ka huina i aie ia ai. Ua holo akula ka ua kanaka i kona mau ohana a noi e haawi mai i kekahi huina dala, a ua loaa mai ka huina o $9,700. Ua hoi mai oia a ia manawa ua hoololi ae la kekahi poe iho i ke ano o ka lakou paani ana. Ua hoomaka hou lakou i ka lua o ka manawa a ua kaa aku ka lanakila i kekahi mea okoa aku ua hoole ku ua kanaka la i ka uku aku, a lalau aku la i kekahi mahele o ka $9,700.00, no ka mea aole i hookaa mai ke kanaka mua i ka huina o $20,000. Ua kamailio maila kela kanaka e paani lakou i kekahi ano paani okoa aku a ua makemake oia e mahuahua ae ka huina e pili ai. Ua waiho iho la ua kanaka la i kana mau dala me kekahi o kela poe iaia i hele aku ai no ke kii ana i kekahi huina dala hou aku. I kona huli hoi ana mai ka keia, ua nalowale kela poe ekolu, a ku iho la oia i kahi o ka hoka me ka hoa-a. He kupaianaha ke ano o kela mea, a ma ke ano ke nana aku, malia pnha ho mea okoa ke kumu o ka lilo ana o kela mau dala. Miki ke owau no ka hemahema. He nui no na npoe i lilo na huina dala mahuahua, ela nae puni wale aku la no keia i na olelo pelo e pelo ia mai ana.