Ka Hoku o Hawaii, Volume XLI, Number 27, 11 August 1948 — KA HELUNA KANAKA O AMELIKA [ARTICLE]

KA HELUNA KANAKA O AMELIKA

WAKINEKONA—Ua hoike ae la ka buro helu kanaka o Amelika nei no ka pii mahuahua ana ae o ka heluna kanaka o ka lahui ma o ka 11,744,000 mai ka makahiki 1940 mai a hiki aku la i ka 143,414,000. He kanakolu-kumamaiwa mau mokuaina, i alakai ia e ke komohana, ka mea nana i hoomahuahua loa ae i ka heluna lahui. O Kaleponi ke kiekie loa ma ka pii ana he 42.1 pa keneta.

LOAA NA POKA PAHU Mamuli o ka noonoo hikiwawe ana a kekahi kanaka mahiai o ka Hui Mahiko o Oahu, ka mea hoi a ka oihana kaua i haawi ae ai i ka hoomaikai palena ole, i kona manawa i hoike aku ai i ka lohe ia lakou no kekahi mau poka pahu ma ka aina aekani o Ewa. E hoomaemae ana ka kela kanaka i ka pa o ka wa no ia i loaa aku ai he 40 mau poka pahu malalo o ka puu opala. Ua waiho ia aku ka hoike i ka oihana kaua mai na makai aku o Puuloa, a ua hoouna ia aku na kanaka i makaukau ma ia hana no ka noii ana. Ma ka hoike a kela kanaka mahope iho o kona hoea ana aku no kela wahi, o ka mua loa kela o ka loaa ana o kekahi mau poka i ano like me ia. Ua hookuiia na uwiki. Wahi hou ana, ua laki loa i ka nana e ana o kela kanaka hoomaemae pa malalo o kela puu opala mamua o konaho'a ana i ke ahi. I na paha aole kela kanaka i nana mua, a pela ke ano nanea, a hoa i ke ahi, i na aohe nao ai i ka papaa, a poino paha kona ola, a poino pu kekahi mau wahi e kokoke ana i ua wahi la HOOLALA O DEWEY E HOOMAHUAHUA IA

PAWUNG, Nu loka — E waiho aku ana o Kiaaina Thomas E. Dewey he noi imua o ka ahaolelo lahui no ka hoomahuahua ae i na uku hana o na poe o ke keena o ka peresidena ame kekahi mau luna aupuni kiekie e ae i na oia e lilo ana a i ole koho ia paha i peresidena no Amelika, o keia na mea i hoomaopopo ia. Ua hoike ae ka moho peresidena Repubalika ua manao oia o ke alahele maikai wale no e loaa ai na kauwa maikai a ka lehulehu oia no e haawi aku la lakou i na ukuhana mahuahua ae. HOOPII KOI POHO Ua waiho aku la o Robert Higa ma o kona loio la he hoopii koi poho maloko o ka aha hookolokolo e koi ana no ka huina o $100,000. Ua waiho ia aku kela hoopii koi poho maluna o Juan Baustamente, he kanaka kanu pua ma Koko Head. Ua lawelawe ka kela kanaka i kekahi hana ma o ka lele ana aku a hou ia Higa me kekahi pahi, a hou {illegible} ma ke poo, ka lima akau, ame ka poohiwi. Mamuli o kela pilikia ua loaa iaia (Higa) ke kina a pau kona ola.