Ka Hoku o Hawaii, Volume XLI, Number 27, 11 August 1948 — NA HANA HOOIKAIKA KINO MA ENELANI [ARTICLE]

NA HANA HOOIKAIKA KINO MA ENELANI

Ma kekahi manawa ae nei ua haalele iho la na hui hooikaika kino like ole o Amelika a holo aku no Enelani, no ke komo pu ana iloko o na hana mokomoko like ole, mai na heihei kukine, na heiehi au, waapa ame kekahi mau heihei e ae. Aia nae hoi iwaena o na poe heihei au, he elua mau pua Hawaii oia no o William Smith, Opio, ame Thelma Kalama. Aole o laua wale no kai holo aku no Enelani, aka, o Mr. Sakamoto pu kekahi ko laua mea nana e a'i i na loina o ka au ana. Ua hoea mua lakou i Amelika a malaila kahi i malamaia ai na hana hookuku a ilaila i wae ia ai na poe no ka holo ana i Enelani. I ka hoea ana o kela poe i Enelani, aole i ano kulike ke ea o la ila me ko Amelika. Ua hoohala ia e lakou he mau manawa no ke ano o ka hookaamaina ana ia wahi. Ua hoomaamaa na poe au maloko o na kula au o laila, a pela noho; me na poe kukini ma ke kahua heihei kukini.

I ka hiki ana keia i ka wa i wehe ia ai na mahele hana like ole, ua loaa mai ka lono i Hawaii nei no ka pulelo ana o na Amelika ma ka hapanui ona heihei i malama ia ai I ka wa keia i malama ia ai na hana heihei au, ua lanakila na Amelike kane ma ka hapanui o na hookukuku aua. O na wahine hoi, ua lanakila ma kekahi mau heiehei ana a ua haule ma kekahi. O na heihei nana i hookaulana mai nei ia Hawaii nei, oia no ka heihei pakuikui o 800 i-a, a i komo ai o Bill Smith o Honolulu. I ke kanaka mua i au ai he hookahi i-a kona mamao mamua o kona hoa heihei, a o ka lua mai oiana like no, a i ke komo ana mai i ke kanaka ekolu he elua i-a ka mamamao a loaa mai o Bill Kamika, ua au no oia me ka ikaika a i ke kaa ana ka keia i waenakonu ua loaa maila oia i ko kekahi oao kanaka aku, a ua ano kaa iki ua kanaka la. la manawa ka i ike ia aku ai o Kamika i hookuupau mai ai i kona ikaika au, a o ka hopena ua lanakila oia, a lanakila pu nohoi ka hui Amelika. Maka hoike a na poe i nana aku iaia ma ke kowa hope loa a no ka ikaika loa ka o kana pale ana i ka wai, me he mea la ka e lana okoa ae ana no kona kino iluna o ka iliwai. Ma ka heihei hoomaamaa no ke kowa o 400 i-a, ua helu pu ia oia no ka mea ua au ia eia kela kowa iloko o na minuke he 4 ame 46 kekona. I ka wa nae hoi keia o ka hookuku maoll ana, ua lanakila hou no oia ma o ka au ana iloko o 4 minuke me 41 kekona. O kona hope mai he Amelika no. Ma ka heihei au pakuikui a na wahine ua kaa ka lanakila oia heihei ana i na wahine o Amelika i komo pu ai o Thelma Kalama. He kaikamahine opio wale no kela o 17 makahiki, eia nae hoi, ua wae ia oia no ke komo pu ana iloko o kela heihei ana. Ma na heiehi waapa, ua lanakila na waapa Amelika a pela me kekahi mau heihei e ae. Ma na helu ai, ua oi pakela loa o Amelika luna o na aupuni e ae o ke ao nei. O ke aupuni i kokoke mai ia Amelika aole i piha ka 100 helu ai a hiki i ko makou hoopuka ana aku la i keia lono. Aole no paha keia he mau mea ano nui aka, aia nae hoi iloko o kekahi o keia mau hana hooikaika he mau pua {illegible} e Hawaii e haaheo ai. Aole hoi ua na poe e ae e lawe i ka hanohano aka, e komo pu aku o Hawaii uuku ka aina nana e hoopuka ana i na {illegible} kaulana ma

neia hana o ka heihei au. Ma na hana heihei waapa, ua lanakila no o Amelika a ua haule na Aupuni e ae. Haaheo no kakou ka lahui Ameilka i ka loaa ana mai o keia mau lono no ka lanakila ana o Amelika ma na hana hookuku ma Enelani.

KA HELUNA KANAKA O HAWAII NEI Ma ka hoike helu kanaka i loaa mai. Wahinekona mai, e hoike ana ua hiki aku ka oi ae o na kanaka ma Hawaii nei he 121,000 mawaena o Apelila 1, 1940 ame Iulai 1, 1947. I ka 1947 o ka nui o na kanaka ma Hawaii nei ua hiki aku i ka 544,000, a ua like me 29 pa keneta ka oi ae i ko ka makaliiki 1940, oia hoi ka huina nui o 423,330. Mamuli o ka hoopau ia ana o na pualikaua maloko o ke Teritori nei, o ke kumu ia i emi loa mai ai ka nui o na kanaka mahope iho o ka pau ana iho nei o ke kaua.

POINO MA KA LEWA

HOLLYWOOD, Fla. - Aia ma kahi o 11 poe i make ma kahi e kokoke ana ianei nei i ka wa o Kekahi mokuleleo ka oihana kaua moana i hookui ai me kekahi mokulele kiwila uuku. Ua pakele na kanaka oluna o kahi mokulele uuku, ma o ka laua lele ana iho maluna o ko laua mau paluna. MAKE HE 22 POE MAMULI O KA INO LADANA — Mamuli o kapahola ana ae ia a ka ino ma Beretania nei ame Palani he 22 poe i hoike ia mai ua make a ua nui nohoi ka poino mamuli o ua ino la-i pahola ai. Ua hoopalaha pu ia na mahina a ua halana ia nohoi ka aina e ka wai. He eono o ka 22 poe i make ai he poe Beretania. Ua hiki aku ke po-ho o ke awa o Brest, Palani ma kahi o ka $330,000 a ua like ia me 10,000,000 dala Palani.