Ka Hoku o ka Pakipika, Volume I, Number 2, 3 October 1861 — He wahi kauwa hana apiki i kona Haku. [ARTICLE]

He wahi kauwa hana apiki i kona Haku.

E noho ana kekahi haku me kona kauwa, a hiki mai ka manawa ai o kona aina awakea, olelo mai la ua haku la i kona kauwa,e hoomakaukau [illegible] ka lumi aina. Hoi akula ke kauwa e hoomakaukau i ka rnca ai, a kau aku la maluna o ka papa aina. I ka manawa nae i makaukau ai ka ai maluna o ka papa aina, hiki mai ia kekahi malihini imua o kona haku, a kamailio loihi loa iho la oia me ka malihini, a hala na hora elua, a e kolu paha, kakali loihi iho la ke kauwa i kona haku, a no ka loihi loa o ka haku, pololi loa iho la ke kauwa. me ka olelo iho o ke kauwa, Ka ! pololi maoli ka hoi, o ke kamailio rnai no ka paha auanei ka ia la, a halawai aku ka aina awakea me ka aina ahiahi, e ai malu ia paha auanei kau mea a e a'u," Ia manawa kiei malu aku la oia i kona haku, a ike aku la oia. ua nanea loa oia i ke kamailio me ka malihini. Lalau aku la ke kauwa i ka pahi a me ke o, a ooki iho la i kekahi uha o ka manu koloa, i hoomakaukau ia no ka aina awakea o kona haku, a huna iho la i kahi o ka uha i moku malalo, iluna o ke pa, a o ka uha i koe, hoikeike ae la oia maluna, a holo aku la oia e ai malu ma kahi e, A pau kana ai ana, hoi mai la oia e kiai i ka papa aina o kona haku. Ia manawa, hoi aku la kona haku e ai i kona aina awakea, a ooki iho la i ka uha i koe i ke kauwa, a pau ia aha ia ia, huli hou ae la oia ma kekahi aoao, me ka manao e loaa ia ia ka uha i koe, i kona ike ana iho la, hookahi wale ao uha, oia hoi kela uha i pau ae la ia i ka ai. Ninau koke ae la oia i kona kauwa, “He aha hoi keia manu?” Wahi a ke kauwa. "He Koloa,” " Ehia uha o keia manu?” hookahi, wahi a ke kauwa, a pau ka aina o ua haku nei, olelo aku la oia i ke kauwa, "E hele kaua i ka holo kaa," ae aku la ke kauwa, a holo aku la laua ma kekahi kio wai nui, ike ae laua i kekahi manu koloa, e ka lalani mai ana ma kapa o ka wai, ua pau i ka hiamoe, ua pau na poo i ka pepee iloko o na eheu, a o kahi uha, ua ekekei loa iluna, hookahi no wwae e ku ana ma ka honua. Ninau ae la ua haku nei i ke kauwa, “Heaha la kela manu e ku mai nei ? " Hai aka la ke kauwa, "He koloa,” Ia wa no, lele iho la ua haku nei ilalo, me ka uepa ma kona lima, holo aku oia a hahau aku la i ka manu, ala ae la ka manu mai o a o, holo like aku la ma na wawae elua, a lele like aku la. Ia huli mai ka haku la me ka maka huhu, a pane mai la ikona kauwa, "Ka-ha-ha ! kupanaha maoli kou hoopunipuni ia'u. Olelo mai nei hoi oe iaʻu hookahi wale no wawae o ka manu koloa, eia ka hoi elua la.” Alaila, pane aku la ke kauwa i kona haku me ka olelo lealea loa i kona haku,” Ka-ha-ha! kaino hoi i alua wawae i ko holo ana aku nei a hahau iho, e holo ia no hoi paha o oe, hahau iho i luna o ka papa kaukau au e a ana, penei no hoi ua puka no ka lua o ka wawae o ua manu la au e ai ana i ke awakea nei, ike iho la ua haku nei, aole io no ia i hana pela, ina no paha e hana io no oia pela, ua puka io ae no ka lua o ka uha o ua la. Bipi-holo-kaao. W. K.