Ka Hoku o ka Pakipika, Volume I, Number 14, 26 December 1861 — Ka make ana o George Homa. [ARTICLE]

Ka make ana o George Homa.

Ua make o George Homa, i ka malama o Novemaba 19, penei ke kumu o ka make ana, uu pii oia maluna o ka lio e holo ana i Koolau, a hiki keia ma Kahapaakai, haule oia ilalo, a ua eha loa, a ma Honolulu make loa oia, o ke keiki keia a Homa, he haole nona na pa i Polelewa e kaulana nei a hiki i keia la. (Ku iho la ma ka pa o Homa.) Ua make oia i ke 50 a keu o kona mau makahiki. A ma kona make ana ko'u manao aloha i ko maua noho pu ana, aole kaawale, nolaila, ua haku iho au i wahi Kanikau aloha nona. Eia malalo nei.

He Kanikau la he aloha, he aloha–la, Nou no e George–e, E hoi ka Uhana i ka la ola–la, I ka hale laau o kaua–e, I ka uka o Kapalama la–e, Ilaila ka Uhane e noho ai–e, I walea i ka pua o Keliipoe–la, I kui no a papahi ka Uhane i ka lei ilima, Uhane auau wai o Kumuulu–la, Ulu aku au o ko aloha –e, Aloha ke kane ka hoa pili–la, Kuu kane mai ka la haaheo o Honolulu, Mai ka paia kanaka nui o Polelewa–la, E nunua lua mai ana i na huina alanui, He nui oe he hiapo nau e ke hoa–la, Koʻu hoa oe i loaa i kuu wa kamalii–e, I hiolani ai kaua i Waialeale–la, Ka hale laau o kaua i kai–e, E ku la i ua pao Homa–la, Malihini au a noho me oe–e, Ka aina kawelu i ka ike–la, Ike i wahine oma–la, Lalau na lima e lawe–e, Lawe Hiiaka i ke hoa lilo–la, Lilo loa ka Uhane i ka manuahi–e, Hooipo aku la me Hainakolo–la, Me ka wahine i ka pali o Waipio–e, Hai ka Uhane i kana puni o ka hele–e, O hele hookahi i ko huakai–la, Hele loa hoi ole mai–e, Kaawale kaua e ke hoa–la, Ua pau ka makani kou manao–e, O ko kino wale no ia e waiho nei–la, Kuu kane mai ka la pololi ai ole–e, Maona aku kaua i ka wai ala o na hotele, He wahi aloha–e, kuu kane–la, Aloha oe–la, aloha au–e, He kanikau la he aloha, Nou no e G. Home–e, E hoi ka Uhane iluna o Aina lani–la, I ahi o ke ola mau loa–e, Noho pu oe me ka Haku–la, Iesu Kristo–e, Ma ka poli o Abelahama–la, Ma ka lima Akau o ka makua mana, O oe kai luna i ke ao uli–la, Me na Anela Hemolele–e, Mai luna oe a ka paa olalo—la, Keehi aku la i Maukele—e, Kuu pilikua pilialo–la, O Papanuihanaumoku–e, Ike ka Uhane ia Wakea–la, Pale ka po puka i ke ao–e, Hoi ka Uhane noho i Maemae–la, Kahiko i ka nani o na pua–e, Uhane nana huakai–la, O Kona o Koolau–e, He wahi aloha–la, No kuu kane–e, Aloha oe–la, aloha wau–e, He kanikau la he aloha–la, Nou no e G. Homa–e, E hoi ka Uhane i Waipio–la, I ke alanui laula o Eva–e, Ala kui lima a kaua e hoi ai–la, I ke kula aku o Punahawele–e, Kula wela i ka la o ka noenoe–la, Noe aloha iaʻu ka wai Kipapa–e, Aloha kahi a kaua e nanea ai–la, Elua apana ai no na hoahele–e, A ahiahi a malu ae ka pali–la, Kahea i ka wahine–e, Pahapa Kailianu ko inoa–la, Ina kaua–e, he piina loa o Punaluu–e, I hala mai Waikakalaaua–e, Loaa ka hoa hele–la, I ke kula o Kokoloea–e, Kanaaho aku ana o ka wai–la, O ka wai o Kaukonahua ke ola–e, Ola kaua ia oe e ke hoa–la, Kuu hoa i ka makani anu he Waikoloa, Loa ke kula o Kemoo–la, A kaua e hele ai–e, Oia kula aala i ka mauu nene–e, Ne wale mai mo ka leo o koʻu hoa–la, He wahi aloha la, no kuu kane–e, Aloha oe, aloha wau e, He kanikau la he aloha–la, Nou no e G. Homa–e, E hoi ka uhane i Wailua–la, I ka lai o kuu aina hanau–e, Aina aloha a kaua i noho ai–la, A kupa a kamaaina oe—e, I i ae oe nolaila–la, Kuu kane mai ka po mahina—e, Opulepule mai i ka lau o ka ulu–la, Mai ka hale kaupoku ula—e, Ula i ka lehua o Poloa–la, Uhane hoho uluwehiwehi o Lokuwa—la, Kuu kane i ka wai hu poo o Hihimanu, Mauka iho ka hau anu o Kaala–la, Me ke ala o Kamokihana–e, Aala mai la ka uka o Kamaoha–la, Kuu kane i na muliwai elua—e, O Kaiaka—la, Mai ke kai leo nui o Keauawe–a, Kai hawanawana o Kalipoa–la, Kuu kane mai ka laau loloa o Makalehu, Mai ke ehu kai o Mokopaoa–la, Uhane auau wai o Hahapopoki–e, Kahea i ka makuakane–la, O Aa o Kauhiahiwa ko inoa–e, O Kuhea no he makuahine–la, He wahi aloha la, no kuu kane–e, Aloha oe, aloha au–e, MRS. HOMA KAIWI. S. D. K. Kakauolelo. Kumuulu Kapalama, Dek. 25, 1861. Ka Hoku o ka Pakipika,–Aloha oe: £oluolti j*ha oe e hookomo iho i keU «%ki meU t161i4 i hāka it e n% keiki o kn Uiehu o Makiki, i mfta hoole&lea ua Ukou no k« Hoku Pākipikiu A ein no ia malālo iko ne« kahi Lkau ai. I. He meU aloha kaia, Wou e ka Hoku Pakipika, A mākou i ānoi ai, I iini ai e loaa t Aia oe i naue li, . Me kou nani kuiMihao,

Mn k*ia t»a» tto4mp«m, r M*i Ha*aii a Niihaa* 8. fl# |wta irtti »6' #i t X® hi A«p«te* Hiwiil» 1 i k* I£«en** 4 H® I*l* •«*. kei* w*o k«i ew*lu, Kei* haunaele noi, 0 i»* bo« htei pe|M| 5 I* *b i pelui in«S ii, 1 ki i«riitM poahi, OlioK iu» makou, A hooht> olioli, 6. Me oē ke «lbha n«i 4 Ē ka Hoko Pakipika, H hele o« a hoi inai, E haehu o Kaieke, D» W. PoLi#ttA» K.lihi, o.hu, Dek. 18, 1861.