Ko Hawaii Pae Aina, Volume I, Number 11, 16 March 1878 — Ka Mea Kiekie Ke Kama Aliiwahine Liliuokalani. [ARTICLE]

Ka Mea Kiekie Ke Kama Aliiwahine Liliuokalani.

Mahope iho o ka hora 9 o ke kakahiaka Poakahi, (Maraki 11), ua kau aku la ke Alii Nona ka inoa e kau kehakeha ae la, maluna o ka mokuahi Sana Paulo, i ukaliia e Kana aliikane His Ex J. O. Dominis, a holo aku la no ka aina kaulana i ka hu wale mai o ke gula. Mamua o ka haalele ana i ka Halealii, he anaina eehia o na aliiwahine kai akoakoa ae malaila e honi aloha aku Iaia, a e haawi aku i na hoomaikai ana a me na kaukau ana a hole Ia a hoi hou mai. A Iaia i haalele ai i na paia o Kinau Hale, ua kau aku Ia maluna o ke kaa alii i hoohanohanoia e Kona Kaikunaue Moi a me Kona Kaikaina Alii, holo aku la no ka mokuahi. He wahi wa pokole ka ike ana me na makamaka a holo aku la. A i ka mokuahi i kaawale aku ai mai ka uapo a ikeia mai la ka Hae Kalaunu e pulelo ana i ka makani ma ke kia waena, ua haawi mai la o Puowina ina pu aloha, a kukui mai la ka Pensacola.