Ko Hawaii Pae Aina, Volume III, Number 31, 31 July 1880 — HE MA'I NO H. L. KALEIMOMI. [ARTICLE]

HE MA'I NO H. L. KALEIMOMI.

Olu ka makani Puulena E pa kolonahe nei, Ka ninihi lai koiawe Lei Puna i ke onaona. Oho.—Kaupono o Makalei I ka nuku o Nuuanu I ka piko o Lanihali Ka pili i Kaipuolono. O Makalei ka oe O ka ma'i o Kaleimomi Kamiki o Enelani Lokelani o Pekina. Keiki ona miliona No ka wai o Kawainui A he pua iu laha ole No ka wai o Makalii. Puukani o Kailua Eueu o Maunawili E ku haaheo nei I kaa luna o Olomana. Nui olu o Makalei Ohaha maikai Na wai ole ona ia He lohi na ke Kauila. Kui ia a lawa pono Ko laki e Kaleimomi Haina i ke akea I lohea mai ka puana. O Makalei ko ma'i Laau ona a ka I'a Pipili paa i ke kumu Mole o ke kano Kauila.