Ko Hawaii Pae Aina, Volume V, Number 22, 3 June 1882 — HOOLAA LUAKINI O MANOA. [ARTICLE]

HOOLAA LUAKINI O MANOA.

Ua paa, a ko ku nei me ke kilakila ka Luakini hou o Manoa. O ka Poaha Iune 15, 1882, oia ka la e hoolaa ia ai ua hale la no ka Haku; e hoomaka ana na hana ma ka hora 10 kakahiaka. Papa Kuhikuhi. Himeni: Mauna Pisega Pule. Himeni: Home Mau. Haiolelo Hoolaa Himeni:----Pule Hookuu. Na Manao Paipai. Lulu dala no ke koena aie o ua hale ala. Hookuu ana i ke anaina e noho ma ka lauai ahaaina no ka hoopaa ana i na houpo lewalewa. Ma ka hora 7 o ke ahiahi ana iho e wehe ia ana he Aha Mele maloko o ua luakiui la na na kamalii; e kokua ia ana e na haiolelo mai kekahi poe mai i wae ia. He 25 keneta ka uku komo, no ua ahiahi hauoli la. Ke kono ia aku nei na , hoa kanaka e naue mai e komo i ka hale o ke Akua Mana Loa; mai poina hoi i kahi hipuu a ke aloha, lawe pu mai no, hookahi hoi ko kakou alu pu ana ae ia la, aia ka pono o ka pau ao o. ke koena aie i koo o ua hale nei. Paaluhi Luna Kiai o Manoa. Mei 29 1882.