Ko Hawaii Pae Aina, Volume V, Number 28, 15 July 1882 — NA MANAO HOINOINO IA HAWAII. [ARTICLE]

NA MANAO HOINOINO IA HAWAII.

Ua hoolahaia maloko o ka nupepa Argonaut o Kapalakiko, ma ke ano manao pepa alakai, kekahi manao hoihoino i ke aupuni Hawaii, mai ka Moi ma ke kalaunu a hiki i ka makaainana, a me na hana oloko o keia aupuni, i laweia mai e ka nupepa a Kipikona ka Elele Poakolu o Iulai 12, 1882, a hooiaio ia, o ua manao la, na Mr. W. N. Limaikaika no ia i haku a hookomo aku maloko o ia nupepa. Aole o hiki ia makou ke hoahewa wale aku i kekahi mea, ke ole e lohe ia kona pale ana nona iho, aka ke lawe mai nei makou i kekahi hapa o ka palapala i kakau ia e W. N. Limaikaika i kona makamaka ma Honolulu nei, penei: "Ua hoike ia mai iaʻu i ke ahiahi nei, aia maloko o ka nupepa Argonaut (Agono) kekahi manao, maikai ole ia Hawaii, a aole he mea mahaloia e na mea a pau. A no ko'u manao malia paha o koho io ia mai na'u i kakau ia īnanao, nolaila au e hoike e aku nei ia oe, aole na'u i kakau, a e hala ole au no ia manao ma na ano a pau." W. N. Armstrong.