Ko Hawaii Pae Aina, Volume VI, Number 32, 11 August 1883 — HE MAKE WALOHIA. [ARTICLE]

HE MAKE WALOHIA.

[Koena mai ka Helu 25 mai.] Aloha ka i'a au umauma me ka i'a kuhea i ka pali Aloha ka i'a kaka i ka laau Me ka ia moe i ke kowa o Kaala Aloka lie kai o ka mapuna Me kahi kai o Kaneaola Aloha na pali hula ana i Kapilikauoa Aloha ka lai o Wailuaiki Me na wai mahae elua Elua mea nui a'u o noho nei O ka u wale iho no i ko aloha Aloka kuu kane, kuu hoapili Aohe ka@ie, he makua no'u no kahi makua ole He hoapili no'u i ka ua o ka makalii He alii ke aloha, he lei kahiko no maua me kuu hoa Kuu kane mai na kuahiwi elua a kaua i noho ai I pupuu ai kaua i ke anu me ke koekoe Koekoe ka po ua hele oe Ua kaalele mai nei oe ia'u i ka hoapili he wahine I ka hoa kuka o kahi mea uuku Kuu hoa lula o na pali Koolau He hoahele i kanahele o Oopuola a me na alu kahawai E ike aku ai kaua ia Hamakua paia ala i ka hala Hala aku la oe ko'u makua nana e malama Ke hopu hewa nei au i na mea a kaua i hoomakaukau ai Ke kapapa nei au ma ka paia E paipai ana ma ka puka aniani Auwe kuu kane, kuu minamina pau ole ia oe—a Kuu kane mai ka aina ua lanipili I pili ia e kaua ka ua mo ka la Ka la hoi o ko aloha i hiki mai ai O ka'u ia e malama nei Malama Haiku i ka ua me ka makani Hiolo-na waimaka uwe i ke anu Pilihua au punia i ko alolia Uwe i Maliko ka pihe a ke kai He kai wehe i ka poli o ke hoa Eha aku la kai o Eleile i ke koekoe Pili ka hanu o Puniawa i ka ino Hookahi luahi au e ke aloha e apa nei i ke kino Apa kuu manao poina ole ia oe E uwe aku ana au ia oe e halialia aloha mai ana ia'u na lehu o Lihau He haua iho nei au ua eha Maui i ko

Wehe mai la oe i ka pili aloha a kaua Me ka lei haule ole a kaua he moopuna Maliu ole mai oe i ka ualo aku Kuu pua mae ole he kane Kuu lei haule ole o ke alanui i na kau a kau E lohi e apa nei i ka nui kino O ko kino wailna ka'u c hopu hewa nei Hopu hewa wale ana au ia oe Alo aku kaua o ka uka o Aiuhini [Aole i pau]