Ko Hawaii Pae Aina, Volume VIII, Number 9, 28 February 1885 — No KA "UA KUAHINE" O MANOA [ARTICLE]

No KA "UA KUAHINE" O MANOA

I ka nupepa wiwo ole "Ko Hawaii Pae Aina," ke olai nana e hoonaueue nei na kuhina, ka ipu kukui uwila nana e hoomalamalama nei i ka Lahui Hawaii, mai ka la hiki a ka la kowelowelo i ka ili o ke kai, a mc kou Lunahooponopono ke kalai nupepa naauao, a me na keiki lawe mikioi i na hua kepau aloha oukon a pau: Ke makemake nei au e wehewelie iki i kahi moolelo o ka "ua kuahine" o Manoa. O keia wahi ua, he wahi im nalo ole īna kamaaina oia uka, Ina e hooniaka mai keia ua, ua like uo me ka ohu e kan nei ma na knahiwi. Ēia ka mea i āno e ai, he nee loa mai ahiki i ke kula pili, ua liilii lele huae, i hui pu ia me ke anuenue e pio ana ma o a maanei, hele kela a "Hikikii lua ua o Ena." I ka wa e hui ai keia ua me ke anuenue, he ula i kahi wa, a oia paha ka ua e kapaia nei, he uakoko." I kahi wa, he hala loa i Kulaokahua, nolaila keia man lalani mele an e ka mea heluhelu e hoaeae ae ai; "Kuu hoa i ka ua liilii ia e Manoa Mai ke kula loa la e Kahua Ke lihau mai la i ke oho o ke kukui I kuhi no au he ehu kai no Mamala He aina la i ka ihu o na moku I kahi wa o keia ua, i uka wale no e noho mai ai, o ka wai ke hele i kai. I ka wa e ua ai, e pohu ana ka makani, a o ke aheahe wale no ke ikeia, O keia iho la kahi moolelo pokole o ka ua kuahine kaulana o Manoa. J. Paaluhi.