Ko Hawaii Pae Aina, Volume VIII, Number 15, 11 April 1885 — HE WAAPA I HOOHUOIIA UA NALOWALE. [ARTICLE]

HE WAAPA I HOOHUOIIA UA NALOWALE.

Mamua ae o ka hora 11 o ke awakea la Siabati i hala, ua haalele iho kekahi waapa pea o HOnolulu no ka hookelekele waapa maloko nei o ke awa, me eono kino kanaka oluna. Aka no ka pa maikai o ka makani a me ka nanea i ka pakika o ka waapa i ka holo, ua hala loa aku lakou mawaho o ka mouo mai epa, a kikihi aku la no ka boe bele Ia lakou i hoohuli mai ai maluna aku o ka boe bele, aia hoi ika ae la lakou he waapa pea e kokololio ana i ka hoo0 ho ilalo, me he la e hooiho ana no Ewa. Nolaila kuu aku la lakou i ko lakou lio e holo i na ale, a he manawa ole, halawai aku la lakou mawaho ae o na kuaau o Kalihi. Malaila lakou i holo kuka ae ai no ka holo loa i Ewa. Mahope iho o ka hora 3 auina la, ua hoohiki aku la na waapa elua i Kalauao ma Ewa. Malaila lakou i hoomaha ai no ka manawa kokoke elua hora. A mamua ae o ka hora 5, ua haalele aku la na waapa elua no ka hoi mai i Ho-

nolulu nei. O ka waapa uuku, ua hoi lakou i Honolulu maloko o na kuaau, a o ka waapa nui hoi loa ae mawaho o na kuaau. Ma Ewa, i kau mai ai he wahi keikikane uuku 6 paha makahiki, a oia no hoi kekahi ona ohua o ka waapa uuku mai Honolulu aku. O ka waapa uuku, ua pae ola lakou i Honolulu ma ka hora 9 o ka po Sabati, aka o ka waapa nui, ua eku ae la kona ihu i na ale, oiai ka makani e pa ikaika loa ana. A no ka hakukoi o na manao o ka poe maluna ona no ka pilikia ke hoomau aku i ka hoopiipii, oiai aohe ale hala e kope mai ana ia lakou, a ke hele iho la hoi ka pouli e aaki, nolaila, ua ladie pauki hou aku la ka ihu o ka waapa e hoi i hope, me ka manao e hookele i ka waapa e pae aku i ka honua ina e pakele a nahaha ka waapa, aka o ko lakou mau ola nae ke pakele. Ma ia hooholo ana pela, ua hoopaaia ka pea me ka piha pono i ka makani a hookele ia aku la iloko o ka poeleele a hoopae ia aku la lakou e ka ulia pomaikai ma ke ae-one, ma Keahi, malalo aku hoi o ke awa o Puuloa kahi hoi a lakou i puka mai ai i kinohi no ka hoi i Honolulu. Ua manao lakou, o ka manawa a lakou i pae aku ai o ka hora 9 paha ia a mamua iki paha. Mai Keahi mai, ua hoe lakou ma ka pili ae-one ahiki i Puuloa. A malaila lakou i loaa ai i kekahi luahine kiai ia Puuloa, a koi mai la e hoi i kauhale e paina ai. Ua hoole aku lakou i kona lokomaikai a ua hoe loa mai no Kapuaikaula, he wahi ia he makamaka ko kekahi o lakou malaila. Moe iho la lakou a ao, kau hou ma ka waapa a hoe lima maoli no ka hoi ia Honolulu nei. Mawaena o keia wa loihi o ka lohe ole ia o keia poe a me ka holo awiwi ana o na ninau me ka telepone i Ewa a me Waianae e nele i na lohe, nolaila, ua hoike kokeia aku ka lohe i ke Kuhina Kalaiaina e ke Keena Pae Aina. A mahope o ka ike ana o ke Kuhina Kalaiaina i kekahi mau ohana i hookaumahaia ua noonoo no keia hakukoi pilikia, nolaila ua kauoha koke ke Kuhina i ka mokuahi "Hiiaka" e hoolako me ka lanahu na lako ai a me na aahu a hoouna aku la e imi i na olulo i koho wale ia aku ua poino ma ka moana. Ua hoolako ia ka mokuahi me na lako e lawa ai iaia ke holo no elua la. Aka, ua pomaikai nae ma ka loaa koke ana aku o ka waapa i hoohuoiia ua poino, e hoi mai ana me kekahi waapa i hoounaia i ke kakahiaka nui ihoe imi. Ma keia hana a ke kuhina, ka hoouna awiwi ana i ka mokuahi e huli i ka poe i hoohuoiio ua poino, ua mahalo nui ia oia. Eia na ino o na olulo: C. B, Maile, Hamaia, S. M. K. So]omona, P, M. Aea, J. Kanakamaikai, S. K' Aki a me ke keiki uuku Kealaula.