Ko Hawaii Pae Aina, Volume VIII, Number 52, 30 December 1885 — ALOHA KALIKIMAKA. [ARTICLE]

ALOHA KALIKIMAKA.

I nehinei aku la, Dekemaba 25, ka la hoomanao no ka hoomanao ana o ke kahi poe lehulehu i ka la i hanau ai ma ke kino ka Haku o ke ao nei, a i kapaia hoi ka inoa ma ka olelo Enelani, "Ka La Karisimaka." Oiai e hauoli ana ko makou poe heluhelu no ka loaa ana o keia la kamahao ma ko lakou launa ohana ana, a kukai makana ana paha kekahi me kekahi, e like me ka maa e hookomoia mai nei e na makamaka a me na hoaloha haole, e ae ia mai makou e kalokalo ae i na mana maluna, e ike pinepine ko makou poe heluhelu i ka hoea ana mai o keia la ma keia mua iho, a e hahai ia hoi oukou a pau e na manaolana pomaikai a me ka holomua, a pela hoi makou e. Aloha Karisimaka aku nei !