Ko Hawaii Pae Aina, Volume IX, Number 35, 28 August 1886 — KE $80,000 AIE! [ARTICLE]

KE $80,000 AIE!

Ua aie aku ka Aha Kuhina i pau i dala me ke kanawai ole. Ua hoike mai o Kipikona i kekahi manawa he oi aku ka nui o keia aie, aka, e pii a e emi ana e like me ka nele oke aupuni ī ke dala ole. O keia mau hana, ua papa ikaika loa ia, a aia wale no na ka Ahaolelo aku ka ae ma ke kanawai e lilo ai i mea mana, Aka, e like me ke ano mau o keia Aha Knhina, he mea ole na kanawai i kona manao, no ka mea. uole he lunaikehala īloko o lakou, Me he la o keia kekahi oka poe i kipaku ia inai ka lani mai, no ke kipi i ka pono a me ka maluhia oka noho ana, a o ka lakou hana, he hana i na kue kanawai a pau, me ko tye ana īna hana a me na mea r?aikai a pau o keia noho ana