Ko Hawaii Pae Aina, Volume IX, Number 45, 6 November 1886 — Ka wehi o ka Iubile Ia hanau. [ARTICLE]

Ka wehi o ka Iubile la hanau.

Eia ko hana nei o Mr. Jos. Hubash, kekahi o na haole hana gula o keia kulanakauhale, maloko aku o ka Halekuai o Mr. M Makinane (McInerny) alanui Kalepa, i na wehi hoohanohano o ka la Iubile hanau o ka Moi, oia na medala kala a me na medala gula poepoe i like me na dime. Ua omauia keia mau medala maluna o ka lipine bolu, ulaula a me keokeo, a i hoomakaukau pu ia me ke kui pine ma kela a me keia lipine pakahi, no ka omau ana ma ke kuka a wahi e ae a ka manao e ake ai e kau. Ua kahakahaia na hua palapala ma ka aoao o ke kii o ka Moi penei: "1836—Nov. 16—1886." A ma ke kahi aoao, e kau ana keia mau huaolelo: "I ka piha ana o na makahiki he kanalima o ka Moi Kalakaua." He ku i ka hiehie a me ka makahehi ke kau mai ma na umauma, a e kaulana ana o Mr. Hubash ma keia hana mikioi ana i na medala. E make ana ka medala kala ma ke 50 keneta pakahi, a o na medala gula, ma ka $2.50 pakahi.