Ko Hawaii Pae Aina, Volume IX, Number 46, 13 November 1886 — KA MANA O KA NAAUAO. [ARTICLE]

KA MANA O KA NAAUAO.

Ua pili ka mana o ke kanaka i kona naauao, aole i kona waihooluu. He okoa ka noho ana o na lahuikanaka, aka nae he kilohana ka naauao no ka lahui i oi aku ka naauao. Ua pili no hoi ka mana i ke akamai ma ka hookele ana i na ikaika o ka honuaa mamuli ona kanawai paa. oia hoi na ano hana maa mau i ikeia. Eia ka poe i hoonaauao ole ia, ka poo e paulele ana i ka poe kilokilo, hoopiopio, haihaia, a pela aku. Eia kekahi mana nui o na kanaka, oia ka hookele pono ana ina ikaika o ka honua, e laa ka hana ana i ka uwila, ka hoololi ana i ke ano maoli o kela a me keia mea a lilo i mea hou, ka hoomahuahua ma ke alakai maoli ana i ka ikaika e like me ke ahi ka mahu a pela aku. Oi aka ke ano kupanaha o keia mau hana akamai o ka poe naauao mamua o na hana palamimo a me ke apuka a na kahuna hoopunipuni a loa. A he mea minamina nui ka uuku ona opio Hawaii e imi ana i ka naauao kupono. Eia imua o ka lahui Hawaii kekahi buke wehewehe moeuhane a me na ano like a ka Ahaolelo i apono ai a hooholo e kuai i ua buke la no lakou iho me na dala auhau o ka lahui. E hoolaha ana ua buke kilokilo la i na mea lapuwale iloko o keia lahui. Auhea hoi ka ka Papa Hoonaanao hou buke i paiia e kokaa ana i ka imi naauao. Eia ma America i keia wa, he mau kula ano hou loa i kukuluia no ka hana hoonaauao. Ua akoakoaa na kanaka elima, umi a iwakalua paha, ka poe ui a me na kanaka makua, i kela a me keia hebedoma, e heluhelu mau aua i na buke hoonaauao, me kai ninaninau ana o kekahi i kekahi, a loaa mai na mea hou.

Owai na kanaka Hawaii e makemake ana i na hana maikai ano like me keia ma keia pae aina? E kokua ana keia nupepa ia lakou e like me ka hiki.