Ko Hawaii Pae Aina, Volume X, Number 7, 12 February 1887 — MAKE I ALOHA NUI IA. [ARTICLE]

MAKE I ALOHA NUI IA.

Ma Kaaawa, Koolauloa, Oahu, ua hala aku la ma kela aoao mau o ka honua o Mrs. Mahoe Hoolulu, he wahine i aloha nuiia, ua waiho he kane, he mau keiki a me kona ohana, e kanikau aku nona me ke kaumaha, a oia keia malalo iho nei: Kanikau aloha keia nou e mama Mahoe Kuu wahine hoa pupuu anu o ka hooilo Kuu wahine hoa pili o ka la wela o ka makalii Kuu wahine hoa pili o na kuahiwi Kuu wahine hoa auau wai o Lanikawa Kuu wahine hoa pili o na wahi a pau Kuu wahine o ka malu hele laau Kuu wahine o ka makani anu he Malualua

Elua mea nui a'u e malama nei O ke kaumaha o ka minamina Auwe kuu wahine, Aloha na makalae o Kaoio Oia wahi an e luu limu ai Aloha ke one o Kanenelu Oia one a kaua e holoholo ai Aloha ka leo o ke kai o Puhala Oia kai a kaua e auau ai Aloha ha papa hee 'o Hapau Oia wahi a kaua e lawaia ai Aloha na kuaau o Makahono Oia kai a kaua e au hele ai Auau aka i ka wai o Kaiaka Auwe kuu minamina ia oe Kuu wahine ika i'a lamalama i ka po Mai ke kai hawanawana o Kaiao Kuu wahine mai ke one loa o Kaaoa Mai na iliili nehe o Punawai Keone Aloha ko leo i ka i ana mai E hoi kaua ua ahiahi Aloha hoi ko leo i ka pane ana mai E papa e, e noho hookahi ana oe Me na keiki hoi a kaua Me o'u ohana hoi a pau

Auwe kuu luuluu ia oe. O ka uwe helu mai a Kelupaina Aloha ino no kuu makuahine Kuu makuahine o na pali hulihua o Kaaawa Oia wahi a kaua e pili hele ai Kuu makuahine hoomanawanui ia'u I ko'u mau la opio o ka noho ana Kuu makuahine mai na aekai o Kualoa Oia wahi a maua e pili ai Kuu makuahine mai ke one o Kanenelu Oia one au e lei hele ai ia'u Auwe kuu makuahine e Kuu makuahine i ka wai hui o Kaalaea Oia wai a maua e auau ai me kuu mama Aloha na pua rose aala i ke alo o ia Home Oia pua a maua e lei ai me kuu aloha Kuu makuahine i ka malu lau ohai I ka home pili paa o'u me kuu mama Kuu makuahine i ke kula loa o ke Koolau [anu Kuu makuahine i ka piina kikee o NuuMai ka ihona ikiiki hoi o ka Haukomo Auwe kuu mama e Kuu makuahine i ka uluwehi o ke kaona Mai ka hukilau lua hoi o na kanaka Kuu makuahine i ka i'a mili lima o Ulakoheo Haalele mai nei oe ia'u me kuu papa Me papa nui hoi, a me au mau moopuna E noho me ka luuluu nou ma keia aoao Auwe kuu mama hoi e H. P. Hoolulu Kaaawa, Koolauloa.