Ko Hawaii Pae Aina, Volume XII, Number 16, 20 April 1889 — KELA MAKANI INO MA SAMOA. [ARTICLE]

KELA MAKANI INO MA SAMOA.

O na lono telegarapa hope i loaa mai ia nei mai Aukulana, Nu Kilani, ua hoike mai ia o kela makahi ino iho nei ma Samoa, ua pulumi hele uluulu aku no ia maluna o 12,000 a oi mile, a ma kona alahele ua hehi aku la maloko o na poai o na Paemoku Hervey a me Society. O ka moku kalepa Amerika Red Cross, e holo ana mai Auseteralia ar no Kapalakiko, ua pulumi ia aku oia a hekau ia iluna o na lae aa o Rorotonga a poino, aka, ua pakele nae na kanaka o luna. O ka moku kalepa Amerika Ada, o Owen ke kapena, ua ili ma Quara a ua pakele pu me kona poe. O na apana a me na lako o ka moku Beritania Suakim, i holo aku mai Auseteralia no Kapalakiko, ua ike ia ke ehu mokaki la ma Aituaki, a ua hopohopo wale ia ua poino kona poe kanaka. O kela makani kikiao ikaika o ka la 15 o Maraki, ua pulumi aku maluna o ka mokupuni o Tahiti me na hopena weliweli nui. Ua lumai pu ia ke kulanakauhale alii, a ua nui launa ole ka poino o na ola. He mau tausani o na kanaka i ale ia aku a piholo. He mau haneri ona hale ma Papeete i puhi ia a ua pau i ka hiolo a poino na hale aupuni. Ua pahola iho la ka poino a me ka popilikia ma na wahi a pau. Ua hooikaika kekahi poe e kau iluna o na wahi kiekie o ka aina, a ma ia kumu lakou i pakele ai i ka wai nui, aka, he mea hiki ole ke hoomaopopo pono ia ka heluna o na ola i poino iloko o keia manawa. Ua poino na mahinaai o kela a me keia ano, a o ka poe i pakele mai na wai nui mai, ke hookui ia mai nei lakou e na helehelena o ka wi a me ka pololi. Aia o Papeete ma na palena aekai o ka aoao akau o Tahiti. He awa kumoku maikai kona, he hale alii nani no ka Moiwahine, he luakini he hale hookolokolo, a pela aku a me na hale ano nui e ae o ke aupuni a me ka lehulehu i kukulu ia e ka poe Farani. O kela wahi ke kikowaeon akoa koa nui o ka oihana Kalepa o Polunesia Hema. Ua nui ka poino i lono ia ae, maluna o ka mokupuni o Tonga. He 30 ola i poino.