Ko Hawaii Pae Aina, Volume XII, Number 31, 3 August 1889 — MAKE EMOOLE. [ARTICLE]

MAKE EMOOLE.

Ma ke ahiahi Iulai 24, 1889, Ua ha alele mai la ko Mrs Luukia Alakiki uhane i kona pauku kino, aohe o na ma'i, aka, ua hapai oia, a maka la 24 o Iulai nei, he kino ikaika, aka e hoomaka ana oia e nahunahu, me ka lana o ka manao o kana kane, e hanau mai- ana la he keiki, eia ka auanaei, e hanau mai ana he nele i ka wahine a me ke keiki iloko o ka opu. Ma ke ahiahi poelelele ana iho o ka la i olelo ia ae la maluna hora 10 paha, oiai e pili ana oia me kana Mrs Alakiki, hiki iho la ke kuakoo, pane aku la oia i kana kane, ke kokoke mai nei au e hauau. e haliilii mai oe i wahi no'u e hanau ai, ua eleu ke kane, a i ka makaukau ana, ua hopu aku la oia i ka ipuka kui a hele aku la no ka hoolepo, a iaia i hoi mai ai a ma ka ipuka o ka hale ua noho iho oia ilalo, a pane ae la me ka leo walohia, hele mai nei ka hoi au a ikiiki ia wa no, hoomaka ae la oia euha, elua no paha mapuna leo, hooma ka hou ae la oia. Auwe! auwe! o ka hoomaka mai la no ia o ka luaiakoko elua noia mau oolopu ma ka waha a ma ka ihu, o ka hehee iho la noia a make loa oi noke ka ohana i ka lomi a he ole ka pohala. A oiai o Luukia ua make iho la, aka, ke oni la no ke keiki iloko o ka opu, a i ka puni ana o ke kino o Luukia i ke anu, a he mau minute iho paha akahi no a pau ka oni ana a ke keiki i ka opu. He nui na keiki keia Luukia, he Hooulu Lahui maopopo oiaio keia, aka ua hoakaka mai ka Baibala, he mahu ke ola o ke kanaka i puai ae a nalo koke, he makee o Luukia i kana kane a he milimili kana mau keiki nana, aka hiki mai la nae ka hora aua i maopopo ole ai a o kona manawa keia, haalele ia la i ke kane a me na keiki e paiauma aku i ke aloha i ko lakou mama Lu ukia. I ke kane i hoonele ia i ka wahine ole a me na keiki makuahine ole, a me ka ohana ke komohia pu aku nei au me lakou ma ka noho'na kumakena a me ke kaumaha a na ke Akua ona Kahikolu e hoomama mai. Ua make keia Luukia ma Kapaahu Lahaina nei. He mau la helu wale no paha ko ke kane e uumi iho ai no ka wahine a pau ae no ke aloha, alaila, o ka halakau hou aku noia he mea hou. He oiaio ia pela iho no. S.K. Kaihumua Lahaina Ponoi. Iulai 25, 1889.