Ko Hawaii Pae Aina, Volume XIII, Number 32, 9 August 1890 — KUU LEI ALOHA UA HALA. [ARTICLE]

KUU LEI ALOHA UA HALA.

Ma ka la 29 o Mei aku la i hala, ua kikooia mai la "kuu lei aloha" e ka Mea Mana Loa, a hoihoi aku la iaia ma kona poli no ka olioli mau loa, a ua pau ka luhi a me ka auwe. Ua hanau ia kuu lei aloha Miss Mary Keola ma Waiakolea, Puna, Hawaii, i ka la 3 o Okatoba, 1885, na Kealaimua a me Wahineokai. A i ka piha ana o kona malama i ka 11, ua lilo mai la oia ia maua ma ke ano he kahu hanai, ua malama maua iaia me ke aloha, mai ia wa mai a hiki i kona haalele ana mai la ia maua a me kona mau hoa holoholo o na polikua, ua loaa ia oia i ka mai piva ma ke poo, ma ke kuemaka hema, a iloko wale no o na hora he 26, ua kuu aku la ka luhi, pau ka oni ana no ka hoomaha mau loa. Hala kuu lei aloha naue pu no me ka anoai, a nona keia mau wahi lalani mele malalo iho nei. Kanikau la he aloha No Miss Mary Keola Kuu lei ia, ua hala nae I ke ala hoi ole mai Noho iho wau me ka u U me ke aloha ia oe Kuu minamina hoi e I kuu lei aloha, Chor - Ke uwe u nei wau me ke aloha No kuu lei hoi, kuu lei aloha Kuu hoa pili o na one Ua hala, a ua nalo e

Auwe aloha, auwe aloha Auwe aloha ino. 2 Ku aku aua nana I kahi i niau ai O kuulei kuu aloha Ua huna na make e Pau kona oni ana ooi ani Auwe kuu milimili e Kuu minamina hoi e I kuu lei aloha. Chor —Ke uwe &c &c. 3 Maeele wale kuu kino Ka ukana nui he aloha Hiki mai kupooli Poluluhi i ka manawa Nakolokolo i kuu kino U hoi wau me ka waimaka Kuu minamina hoi e I kuu lei aloha: Chor—Ke uwe &c &c. 4. Aloha wale kuu lei Kuu hoa pili o ke ala Kuu hoa noho o ka home O kuu Mary ua hala Auwe kuu minamina e Kuu aloha na ole hoi I ka hala ana, i ka nalo ana O kuu lei aloha. Chor~Ke uwe &c &c JMK 1 He uhane la he aloha Nou no e Mary Keola Ua hala e aku oe I ke ala hoi ole mai. Hui Auwe kuu milimili e Kuu lei a-i o na one Kuu kokoolua hoi o ka hale Auwe ! Auwe !- aloha ino. 2 Noho iho nei makou Me ka u me ka minamina Me ka paumako ia oe I ka hele hookahi ana Hui Auwe kuu &c &c. 3 Ei aku nei ka uhane I ka poli o ka makua-lani I kahi e maha ai Pau na luhi na kaumaha. Hui Auwe kuu &c &c 4 E hoona ae ana Ka manao e noho nei. O kahi e pau ai Ke aloha o kuu lei. Hui Auwe kuu &c &c. 5 Aole nae e pio Ua ku me he pali la Ko aloha ke hiki mai I ka houpo o kuu manawa. Hui Auwe kuu &c &c. Elvina K Kauwila: J M Kauwila. Kaimu Puna, Iune 30, 1890.