Ko Hawaii Pae Aina, Volume XIII, Number 32, 9 August 1890 — KA NANI O HALEAKALA. [ARTICLE]

KA NANI O HALEAKALA.

Mr Lunahooponopono; Aloha oe:— E oluolu e hookomo iho ma kahi hi kaawale o kou mau kolamu i keia mau lalani pokole, Hora 9 am. Iolai 28 haalele ia Waiakoa, Kula, Maui, kau ma na lio no Haleakala ka pahu hopu. He ewalu makou ma keia huakai, Mr Hao, Miss Ellen Hao, Miss Mokulehua Hao, Miss Keahemakani Hao, W E K Maikai, J K Nakookoo, Mrs Amalu a me a'u no hoi. He maikai a malie keia la, aole ua. Oiai ko makou pailaka Mr Hao e kalamoe ana mamua me kona lio ulauia, ua halawai aku la oia me kekehi auna pelehu, a mamuli o kona maa i ke ki pololei, ua ku aku la he 5 pelehu. Hora 1 pm, hoohiki loa aku la makou ma ka piko o Haleakala, a kiei ilalo o ka lua a ike i na puu e ku kinikini mai ana. Oiai e nana ana i na hiona nani o ka aina, e pa mai ana ka makani hui o ke kuahiwi me he la he poke hau i ka waha ke nahu iho hui maeele i ka niho. E waiho kahela mai ana ka nani o ke kula o Kamaomao, Nawai eha, Hamakuapoko a me Makawao. Aia hoi e oili mai ana na kuahiwi kaulaua o Hawaii i kahikoia ka piko o Maunakea me ka hau. Aia hoi na ao polohiwa e uhi ana ma ka piko o na mauna o Eeka, Olokui, Maunalei a me Konahuanui; a i ka nana aku, ua like me kekahi aina pala halaha akea i uhiia e ka hau, oiai makou maluna iho o ke kiekie o ke kuahiwi e nana aku nei, a he nani kamahao i ke ike a ka maka. Hauoli ka maka, olioli ka naau i ka ike ana i ka nani o Haleakala, a ke haawi ae nei na mahalo palena ole i na Mana-lani, ka mea nana mai na mea a pau, ka malu a me na pomaikai. I ko makou pailaka ahonui, lokomaikai a oluolu, Mr. Hao, na hoa hele a me ko makou Mr. Maikai, nana i hoonanea ia makou me na lalani mele pokole ma lalo iho i kokouia me ka leo nakulukulu o ke gita a J K Nakookoo Haleakala Song 1. Ahe aku ka manao e ike i ka nani o Haleakala Kela kuahiwi kaulana I ka moku o Maui o Kama

Cho. Mea ole ke anu i ka manao I ka nui kono a ka makemake O ka pa kolonahe a ke kiu Ka makani anu oia uka 2 Ewalu makou ilaila Ma na kualono o ka aina He ole ka aluna kahawai I ka laau kiliopu a ka Hinahina. Haalele i ka piko o Haleakala hora 2:30 pm. a hoohiki hou ma ka home o ko makou Mr Hao ma Waiakoa, Kula ma ka hora 5 pm. T K R Amalu. Waiakoa, Kula, Maui, Iulai 28, 1890.