Kuokoa Home Rula, Volume VI, Number 11, 13 March 1908 — Ka Mokuahi Maunakea. [ARTICLE]

Ka Mokuahi Maunakea.

Ma ka hora 6 a oi o ke ahiahi Poaha nei, i kapalulu mai ai ka mokuahi Maunakea i ke awa o Kou no 7 la holo a oi mai Kapalakiko mai. Ua kau koke aku la ko makou mau keiki iluna no ke kilohi ana i kona nani. Ua hookaawale pono ia kona mau rumi kahi hooluana, hookani pila, puhi paka, ame na rumi ohua, He mai kai kana huakai aumoana, a he 4 ohua wahine haole ana ma keia holo ana mai nei. E lilo ana ka Moiwahine Liliuokalani i ohua hanohano ka mokuahi Maunakea, ka mokuahi lawe have o na aumoku holo pili aina o Hawaii nei, ma kana huakai mua loa mai Honolulu aku nei no ke kulanakauhalepua lehua o Hilo, ma na awa a ke Kinau i haulani ai no kekahi mau makahiki loihi i Hala ae nei. E puhi ae ana ka Bana Hawaii malaila no ka hoohanohano ana i ko kakou Moiwahine ame ka mokuahi hou.