Kuokoa Home Rula, Volume VI, Number 30, 24 July 1908 — He Moolelo NO KA Hooilina o Rivela a me Ka Ipo Aloha i Ka Oni Kapalili a Ka Puuwai! A I OLE KA UI HAPA ITALIA A HAPA PELEANE. [ARTICLE]

He Moolelo NO KA Hooilina o Rivela a me Ka Ipo Aloha i Ka Oni Kapalili a Ka Puuwai! A I OLE KA UI HAPA ITALIA A HAPA PELEANE.

Ke Alahele no Oremona Hale—O KA Wahine Himeni Keaka Keia—Aohe Lua o ka Nani! Auwe! Ikeia Au e Kuu Aloha!!

Hoomauia. I ka ike ana mai o ua Kauna wahine nei ia Aria e ku aku ana me ka hanohano nui, a kulana hiehie nohoi, ua manao iho la oia me ke kuhihewa, o keia kekahi o na malihini kipa i hoea aku ia manawa, a o kona wa ia i kunou mai ai me ka maikai a waipahe nohoi, me ka hoopuka ana mai hoi i na huaolelo: "Aole au i ike iki ua hoea mai nei kekahi malihini kipa i keia wa." Mamua hoi o ka hiki ana i ua Kauna wahine nei ke hoomau mai i ka olelo ana, o ia ka manawa a Aria i pane koke aku ai, oiai ua hoomaopopo iho la oia ma ia manawa ua kuhihewa ua Kauna wahine nei iaia o kekahi o kana poe malihini kipa i poloai ai no ka hele ana mai ma ia auina la. "E ka lede maikai, owau ame ko'u wahi kokoolua nei i hoea mai nei ia nei, mai ka poe mai maua o Mr. Stapleson, a ua hele mai nei maua no ka hooko ana i kekahi kauoha i makemakeia e lawelawe maanei. "Ae—ae" wahi a ua Kauna wahine nei i pane mai ai, me ka hoomau ana mai nohoi i ka olelo ana: "He oiaio ka hoi. Alaila, ooeo Miss Alafereda, ea?" A ua kokoke nohoi o'Aria e pane hou aku imua o ua Kauna wahine nei ma ke ano e hoopololei hou aku i ka noonoo o ua lede hanohano nei, eia nae, ua pane awiwi mai la ua Kauna wahine la ma ka olelo ana mai: "Ke haawi aku nei au i ka'u mau hoomaikai āna 'ia 6e, e Miss Alafereda, no kou hele ana mai nei ia nei, no ka hoolaulea ana mai i ke anaina e akoakoa mai ana maanei i keia auina la." Alaiia, huli iho Ja ua Kauna wahine nei a nana iho la ia Paulo, e ku ana ma ka aoao o Aria a pane ae la oia: "O kou kokoolua keia, a o kona inoa o " Pane aku la hoi o Aria: "Paulo Foster, your grace." (O Paulo Foster, e ke alii.)" I keia pane ana aku a Aria, ua huli koke mai la ua Kauna wahine nei a nana mai la ia Aria nie ka piha pahaohao o kona onohi maka, oiai ua lohe mai la ia fke kani a poha maikai o ka leo, a pela hoi ka milolii maikai o kana kamailio ana aku i ka olelo o ka aina hanau, he kulana maoli no o kekahi wahine i hoonaauao pono ia ma na loina apau o ka poe maikai; a pane ae la ua Kauna wahine nei me ka mau no nae o kona mau maka i ka nana pono ma; ia Aria: "Ae—o Paulo Foster io ka hoi keia. He pila vaiolina paha ka ke keonimana opio e hookani ai ea? Aka, e Miss Alaferede, ina e lohe ana oe i ko makou kamailio me na leo nunui a hauwalaau hoi, alaila, e pono no oe e hoonui ae i kou leo i kou wa e himeni ai. A pela nohoi oe, e ke keonimana opio. Ma kou wa e hookani ai i kau pila vaiolina, ina e lohe oe i ka hauwalaau loa o ka makou mau kamailio ana, alaila, e hoonui ae oe i ke kani ana o kau pila. I kekahi wa, he nui ka hoomaopopo ole o na poe malihinil<ipa i nei mea he himeni ame ka hookani pila ana, koe wale no na wa e loheia ai kekahi leo himeni oi loa o ka nani ame ka maikai i lohe mua ole ia. Aka nou nae, e Miss Alafereda, aohe olelo ana, oiai he puukani oe i kaulana loa mawaena o ko Ladana nei poe loea ike mele." Ua kamailio mai la ua Kauna wahine nei me ka leo oluolu ame ka piha hoihoi pu nohoi. I ka pau ana ae o kana kamailio ana mai ia Aria, ka mea ana i kuhihewa loa ai o Miss Alafereda no ia, ka wahine himeni leo alakai o ka Hale Keaka Lain'ka, ua o ae la kona mau lima iluna a haawi aku la oia i kekahi kauoha i kekahi o kāna poe kauwa lav/elawe, e lawe mai i bola ti nona! Ia wa i kunou mai ai ua Kauna . wahine nei ia Aria ame Paulo a hoi aku la oia noloko o ka rumi ana i puka'mai ai, a paa hou ae la ka puka hooholo mawaena o na keena elua, I ka hala ana aku ō ua Kauna wahine nei,' ia wa i pane mai ai kahi Paulo ia Ariu nm ka olelo ana mai: "Ile leeu ka hoi, e kuhi ana au i nei mea he Kauna wahine hc mea oia i like me ke ano o na anela ka hoano ame ka ihiihi, Eia ka, he ano wahine no ia i like me kou ke ano, c knu kaikuahine. Ēia nae, aoheo'u hopohopo ina k<j olelo una ae, ua oi aku no ka haaheo, ke kilakila' ame ka ihiihi o kou

j kulana ame kou mau ano apau mamua o kela Kauna wa- v hine." He hapaha hora paha ma ia hope iho, aia hoi, weheia ae fa ke pani hooholo mawaena ona keena elua, aia wa t ; ike aku ai o Aria ame Paulo, ua hele a pihaku'i o loko o kekahi rumi okoa aku i na lede ame na keonimana hanohano, e noke nui ana hoi lakou i ke kamailio me ka hauoli nui. Ia wa lolie aku la o Aria i ke kamailio a kekahi mau wahine elua. E olelo alai ana kekahi wahine i kona kokoolua ika i ana aku: Ua haiia mai nei i a'u he malihini ano nui loa kekahi e hoea mai ana ia nei i keia auina la. A o ia ka malihini i manaoia nana e wehe i na hoohanohano ana i keia aha." "Owai la hoi nei malihini a keia mau wahine e kamailio mai la?" wani a Ana i ninau wale iho ai no iaia ma ia Aole i liuliu mahope iho, ua ike aku la o Ana i ka oni pioo mai o na poe o ke anaina me ka noke ana o kekahi poe ledc ame kekahi poe keonimana i ke kiei ame ka halo ana ma o a maanei o k>ko o ke keena; a manao iho la no keia ua hoea mai ka malihini ana i lohe ai i _na wahine elua e u-kamailio ana mamua iho, ma ke ano, oia ka mea nana e wehe i ua anaina hoolaulea nei. I ko Aria hoomanao ana ae no ka hana a laua i hoea aku ai me kahi kaikunane hookama ona ilaila, hawanawana aku la oia iaia (Paulo) ma ka olelo ana aku: "Auhea oe e Paulo, e hoomakaukau kaua ia kaua iho i ljeia wa, ke ole au e kuhihewa ua kokoke loa mai ka manawa e hana ai kaua i ka kaua hana o ka heie ana mai nei o keia hale makamaka ole. • Oko Paulo manawa no ia i wehe ae ai i kana vaiolina a imi iho'la oia i ke ki kupono e hookani aku ai oia ma ke sekona mua loa e haawiia mai ai ke kauoha iaia. I ka pai; ana ae nohoi oka ua wahi Paulo nei hooponopono ana ' i ke kani o kanā vaiolina, o ka wa ia a Aria i ike aku ai i ka hele ana mai o'kekahi kanaka lawelawe o loko o ua hale nei, a hoea pololei ae la ma kahi a Paulo, ka loea o ka pila kuolo a hooni kapalili i ka puuwai, alaila, pane mai Ia ua kauwa nei: " Her grace's compliments and will the young gentleman please? (Me ke abha o ke Kauna wahine, a e paani anei ke keonimana opio, ke oluoluia hoi?) Ia wa i nee pono aku ai ua wahi Paulo nei, me ka hoanuu ana nohoi, elike me ke ano mau o ka hele ana a na . oopa, aka, he hiehie no nae hoi ka ia nei ho-alu ana, a kupono oia imua o ke aiiaina kānaka e nana mai ana iaia me na maka noii pono. O'kana wahi nae'o keku ana ae aia no ia ma kahi kokoke loa i kona kaikuahine, oia o Aria. la wa, haawi aku la ua wahi Paulo nei i ke kunou maikai ana a kulana haaheo nohoi imua o ke anaina, elike no -me ka hana ana a na poe hookani piha akamai a kaulana loa ma ko lakou wa e paani ai i kekahi mau lēo mele maloko o na hale mele. A pau ke kunou ana a ua wahi Paulo nei, hoopili ae la oia i ka hope nepunepu maikai o kana vaiolina ma kona a-i, e ili pono iho ana hoi maluna iho oke kaola o kona poohiwi, alaila, hooholo ae la oia i kana laau hookani (bow) maluna o na kaula o kana pila, me ka eleu e alakaiia ana eka uhane oke akamai ame ka noeau. Ike kani ana ae o ua pila nei a Paulo, a pii ulumahiehie . moakaka ae hua-m'ele me ka nani nui, a e 'uwe hone ana hoi ka leo nani lua ole o ua vaiolina nei ana iloko o na puuwai o ka poe apau e hoolohe mai ana ia wa, ua like o loko o uk keena hani nei o ke Kakela alii o Oremana Hale, me he i) mea la, aohe kanaka o loko, ka meha pu mai o a o. Eia o Aria ke nana nei i ke ano o na lede ame na keonimana e nonoho mai ana ia wa, ua ike maopopo aku la oia ia lakou apau, ua lilo loa ko lakou mau noonoo apau malalo o na hoouluhia kamahao ana o ka leo mele a kona wahi kaikunane oopa e hookani ana ia wa. Ma kana hoomaopopo loa iho ia ga, ua lilo kela poe hanohano apau i akoakoa mai ia manawa, he poe liilii loa imua oka ike ame ka noeau o Paulo. Ua like o Paulo me kekahi kanaka nui a hanohano loa o loko o ke kulanakauhale o Ladana ; e rula ana i ua poe alii hanohano nei me kana laau hookani vaiolina (how).