Kuokoa Home Rula, Volume VI, Number 30, 24 July 1908 — Keio me St. Clara! [ARTICLE]

Keio me St. Clara!

Ua ahai ae na hui kinipopo malihini elua i ka lanakila ma ka.Poaono iho nei, a haule na kamaaina. He mau' tausam kanaka i hoea ae ma ke kahua kinipopo o Moiliili, ua unuia rnai na Kepani o na mahiko he mau haneri a hoopiha ae la i ka Paka, ame ko kc kulanakauahale nei nohoi. He keu keia o ka hana ohohia nui ia nīa -Honolulu nei. ona mua ' paani oia o Kamehameha ame Keio ona lapana, ua lilo ke eo ika inoa hope, he 4 puni ia 3 wale no a Kamehameha. Ua nui pono ole ka hauoli o na Kepani; e uwa ana me ke kowelo ana i na hae no ko lakou lanakila haaheo, a kukule hoi na kanaka. ona hui hope 1 paani, oia o Punahou me Sana Clara, ua lilo ke eo i ka inoa. hope, he 6 puni ia 1 puni wale no a Punahou. Ma- ka Sabati ae, ua paani hou ka hui Keio me Kaimana Hila, a ua lilo ke eo i na kamaaina he 10 puni, aohe wahi helu ai a Keio. 0 Sana Clara hoi me Sana Lui, ua lilo ke eo ika inoa mua, he sia 2 puni. I keia Poaono e hookuku ai na hui Keio me Sana Clara, Sana Lui me Punanou, ke ole he mau hooloiiloli hou e loaa ae ana. I keia wa e ku nei na hui, o-Kaimana Hila ke aīakai, aohe ona hui i make ai. Aohe hewa o ka hele e ike pono i ka paāni ana a keia mau hui malihini, e ahai ana paha ka Aeto me na huihui hoku o ka lewa i ka lanakila, a i ole, e olino ana paha ka malamalama o ka La o I'apana.no ke pani ana i na maka o ka manu Aeto.