Kuokoa Home Rula, Volume VI, Number 30, 24 July 1908 — Le-i ka Nnku o Mamala i na Moku Ko Hawaii Mau---He Hookipa i ka Malihini--—Hookahi no Uku he Leo [ARTICLE]

Le-i ka Nnku o Mamala i na Moku

Ko Hawaii Mau---He Hookipa i ka Malihini--—Hookahi no Uku he Leo

He .mau Ia uluwehiwehi keia o ke Taona nei i na keiki aukai o luna o na mokukaua hakaka Amerika o ka moana Atelanika. E ikeia ana ka malihini .ma na wahi like ole, na rina hakaka, na aha hulahula me Hula Hawaii, na hale keaka, n'a wahi hoikeike, na keena heluhelu buke, na paka ame na wahi kinipopo, na kahua heihei, e holo ana maluna o na kaa ahi, na kaa uwila, na kaa lio ame na lio, na kaa otomobile me na kaa' baitikala, a ma kekahi mau wahi e ikeia ana he elua a he ekolu poe iluna o na kaa bage, a iluna o na kua o ka lio e huki ana kekahi poe e kau ai me ka noke ana ika hili ana ina pepeiao. He hu ka aka ke ike aku i keia mau hana hookalakupua a ua mau keiki la. A poe mama ika pii pali elike me keia, a he ku i ka weliweli ke ike aku ia lakou e pii ana me ka hooponopono ole ma na wahi kualapa nihinihi o ka puu o Kaimana Hila i hele ole ia e na kamaaina, pela hoi me Puowaina, ka Nuku o Nuuanu ame kekahi mau pali e ae. He hana lealea Joa iho la keia iua poe keiki aukaila. Hookahi nae mea i mahalo loa ia, oia ko lakou malama i ka maluhia ame ke kulana keonimana. Ma kela ame keia wahi, e ikeia ana ko lakou mau makai me na newa ame na apo hao hoopaa. Ina e loaa kekahi mea on e hookau. kokeia na maluna o ke kaa pahu lima a hoihoi ia iluna o ka moku. 0 na hua mea ai ka lakou mea makemake ioa,- e noolilo ai i na kenikeni iloko o na hale kuai Pake, a o na lio ame no kaa, ao na mea e ae, aohe nana nui ia aku. Oka fea me ka luau i haawiia ai ma ka Poaono i hala, ua koe okoa ka puaa, aohe nui o na malihina i kipa ae, a pela nohoi me na hana hoikeike hoohei kaula a na' keiki Paniolo, ame kekahi mau lealea e ae. No ka nui loa no paha ona hoohauoli ke kumu kau liilii o na poe inakaikai, a poho kekahi mau wahi. Aole paha i aneane aku na dala a nei mau mokukaua i lu ai i ka hapalua o na dala i lulu ia eko Honolulu nei poe no ka hookipa ana ia lakou. Ahe 'oki loa hoi ka loaa hana iho i na kanaka Hawaii, eiike me ia i upu wale ia. Aka, ona wahi hale kuai Pake ana hua mea ai kai loaa wahi hunahuna ame kahi mau ha!e kuai ciga puhi o na haole, a o ka nui aku, he oki loa. Ma ka nani o na hoikeike uwila, o keia ka oi ma Honolulu i ikeia, ua uhi paa ia na kahua o na Holele lana me Moana ame kekahi mau. holele e ae, a o na aoao o ke alanui Alakea mai ka uwapo mai a hoea i ke alanui eia nae, aole no i loaa aku ka hiehieame ka nani o ka Poni Moi o Kalakaua, ka hanaia o na aoao o ke alanui nie na pi'o ame na lau.nahele oke kuahiwi. oko ia nei wahi ui wale aia i'ka po.e h'oomalamalāma ai, he ui ano ahiahi..

Ma ke Sabati nei i huli hoi mai ai na mokukaua eha niai Lahaina, Maui mai, a huipu me koonei mau aumoku kaua. Ma ia kakahiaka nohoi, ua lawe mai ka mokuahi Kinau he heluna nui ona ohua mai ka mokupuni mai o Kauai. me ka uku ole, no ka ike ana i na mokukaua, a hoihoi hou ia no ma ia ahiahi. Ua holo pu mai no keia poe" me ko lakou bana puhi ohe, he eiwa ka nui o na keiki o loko oia puali. Auwe, he keu ka nani oka lakou mau leo mele i puhi mai ai, aua ano puiwa maoli ko Honolulu nei poe 1 keia bana, ona mokuahi apau i hoea mai ai mai na kuaaina mai, ua hoopiha wale ia no me na ohua no kaholo ana mai e ike i na mokukaua.

Ma ka makeke kuai i'a kahiko ma Huehue kahi i malamaia ai na lealea hukihuki kaula, ku'iku'i puupuu ame ke kahi mau ano e ae, e na keiki aukai ame ko uka nei poe, a o ka hapa nui oia mau lealea, ua ahai wale ia no eko na mokukaua poe. Oka hakoko hoi, ua lanakila o Robert ka moho o Hawaii nei, a haule ko na.mokukaua. ona lealea huki kaula, na ko ka aina poe wale nei no, ua ahai ae ka Hui Honolulu o na keiki hana alanui me kaa hoki i ka lanakila ame ka hapanui o na makana.

He mau lealea o na hula like ole kekahi na Mr. Gear ma lee kahua olopapa o Huehue mamua, ilaila na manuwa e P'Ppi ai, e ake e ike pono ika oni ana ona pa~u. oka hula Hawaii ka mea oi loa aku o ka laki, he hapa ka ; hula Paniolo, he lelele wale iho no.

Ma ka Poakolu iho nei i haalele mai ai na aumoku kaua ike awa nei a oili aku Ia no waho o ka nuku o Mamala, a malaila lakou i ku lalani ai a hiki i ka hora 6 o ke ahiahi, bia ko lakou manawa i niau aku ai ma ko lakou ala hele moana e hoea aku ai i Nu Kilani, a mailaila aku a kekahi mau wahi okoa aku e kipa pu ana ma lapana, Kina, a huli hoi loa aku no ka moana Atelanika.

Ua holo aku na Komile maluna o ka moku kiai awa Iroquois no ka haawi aloha ana i na mokukaua, a pela rio hoi me ka £ana Hawaii, a huli hoi mai no. Aloha nuinui!