Kuokoa Home Rula, Volume VI, Number 31, 31 July 1908 — Makani Weliweli! Make he mau Tausani Kino Ola---Poino na Mokuahi Nunui---Olepe pu ia na Kaupoku Hale. [ARTICLE]

Makani Weliweli!

Make he mau Tausani Kino Ola---Poino na Mokuahi Nunui---Olepe pu ia na Kaupoku Hale.

HONGKONG;- Kina, lulai 29 —Ua manaoia, he tausani poe i make maanei i-ka makani tai£una, a he'lehulehu na poe i hoehaia. Ua nui ka poino o ka mokuahi Monogolia mamuli o ka opa pu ia ana e ka niakani, a o ka mokuahi lawe leta o ka Hui Pakipika Peresia i ikeia ma kona inoa niua Coptic, ua hoopae ia i kula. He mau tausani kaupoku hale ma Canton i olepe pu 1a e ka makani. CANTON, Kina, luaiai 28 —Ua naiowale ka mokuahi Ying Ki'ng mamuli o ka loaa ana i ka ino, a he 300 poe Pake i pau i ka piholo a make. He mau tausani a'uwaa lawaia Sampan i hoopiholoia iloko o ke awa o Hongkong, me Canton, Kina. Aole i maopopo nā hoike huahelu no ka nui o na poe i make ame ka nui ona waiwai i poho i keia wa, e loaa ana nae ma keia mua koke iho. Me he mea la, e pahola loa aku ana paha keia ino no ka holapu ana i na Amepika e au mai nei.