Kuokoa Home Rula, Volume VI, Number 32, 7 August 1908 — Hohono Dala ka Ilamuku! [ARTICLE]

Hohono Dala ka Ilamuku!

Aole i liuliu aku na la o ka huai ana ae nei o ka imu puhi o na hana ekaeka o ka hoao ia ana o kallamuku e ki-pe e kekahi Kepani, no ka ae ia o na hana haumia e lawelaweia ma Iwilei, aia hoi, ua puka-a-maka maoli ae la ke kino o kekahi honu nui maeaea i hele a hohono me ke ea paku i o $1,500.00, no ka hanai palu ana i ka Ilamuku, i mea e hookoia ai na manao puni waiwai a me na manao lapuwale o kekahi poe elike me na mea i ikeia i na wa i hala ae, No makou iho, he kanalua loa makou ina lono houpuupu a na poe o Iwilei e pili ana i ka Ilamuku, i huipuia me ka waiho malie ana no kekahi' wa loihi a polopolona, alaila, hoike ae i ke akea. Ua hoolaha ae o Isoi, ke Kepani nana na dala he $100 a laukea i aie ai ma kekahi nota i kahi wa i hala ae nei, i kekahi manao maloko o ka nupepa "Shinpo," e pili ana i kona hele ana i ka hale noho oka Ilamuku me Makai rownsend, i maheleolelo no ke kuka ana i na mea e pili ana ia Iwilei. Ua haawi aku oia ika Ilamuku he $500 no kona ae ana mai e hookuu hou i kona mau kahua hale, aka, ua hoole nae ka Ilamuku i ka lawe ana. Mahope mai, ma kekahi po, ua hele hou aku la oia no kahi oka Ilamuku, ame Townsend pu. Ma keia wa, ua hoomahuahua hou ae la oia i na huahe'u a hiki i ka huina o $1000, a i ka halawai ana o ka Ilamuku n ■ keia koi, ua 'noi hou mai la hoi oia i $1500. Ua kiel: i : k_;a puu huahelu no Isoi, nolaila, ua pau ae la na manao hou ana no ka holopono. Ua hoi aku la o Isoi a hoike i keia mea imua o kona poe, a ua hooholo iho la nae lakou no ka hele hou ana mai me ka huina o 1,500.da1a. Ma-ka manawa nae a ka Ilamuku i kakauinoa ai i kela nota aie o $100 i hoolahaia ai ma ke akea, ua olelo ae ua Isoi nei, "Ua ike au i ka Ilamuku ua loaa kona mau wawae i ke anu, nolaila, aole au i hele aku imua ōha me k'ela mau dala he 1,500." No keia mau manao i hoolahaia no ka Ilamuku, ua hoikeia mai ia makou, ua olelo ae o laukea, aohe dala i uku ia aku iaia ma ke ano .ki-pe e"Kēkahi mea, koe wale no na l dala i loaa iaia ma kekahi nota aie. "No ia mea, e hopu aku ana au ia Isoi no ka hoao e ki-pe ia'u," wahi ana. No ka hopu a hopu ole ia o Isoi' malalo o kana mau olelo ponoi i hoolaha ai, oko laukea kuleana 'ia. Pela no, 0 ka hoopau ame ka hoopau ole i kekahi luna aupuni i hoohuoi wale ia o ke Kalana, o ko na Lunakiai kuleana ia. Ma ke kakahiaka Poalua nei, ua hele aku o laukea no ke kuka pu ana me L,oio Kuhina Hemenway no keia kumu me ka hoike pu ana aku i kela nota aie i hoihoiia mai a Isoi mai; a ua hoike ae hoi o Hemenway, eia oia ke noonoo nei 1 keia kumuhana, a ina he mea pono e waiho aku no oia imua o ke Jiure Nui no ka hooko ana.