Kuokoa Home Rula, Volume VI, Number 46, 13 November 1908 — Ka'u Hoomaikai i O'u Mau Haku Makaainana [ARTICLE]

Ka'u Hoomaikai i O'u Mau Haku Makaainana

I Kuu Hlwahīwa; ALOHA KAUA:— Ano, i ae mai oe no'u kau wahi kaawale o kou mau kolamu ulumahiehie, i hiki ai ia'u ke haawi aku i ka'u mau hoomaikai ana i o'u mau haku makaainana mai Maunalua'i ka Ihiihilaukea a holo poai puni ma ka huli komohana o Oahu a Ku'ihewa a loaa na anakee o na pali hauliuli o Koolau a hoea i ka Uhu ka'i o'Makapuu, kahia ke mele kahiko i holo aij penei: ra '' '<•'! ulm kn'i o Makaj>uu, Huki ka lani ka lae o Kalaau, Kela pali makua ok o laila, Atnu kauwa ka,.pali o Ulamawao-e Mao waie ana i ka lani; Kela pali ku'i, ha-inu i ke kai, ī ke kai ke akua pololi o Moeau—a Ola i ko la. poloii,. Inai pu ia me ka waimaka— Aloha mai—e. Ke haawi aku nei au i ko'u mahalo i na poē koho o ka Apana 4 a pela pu nohoi me na poe koho oka Apana 5, ka poe no lakou na balota he 1080 (ma ka helu balota aka nupepa'Advertiser), a i ole, ka huina o 1044 balota (ma ka helu balota a ka nupepa Buletina). Ua loaa mai keia paulele ana o oukou ia'u. Oiai au e waiho ana maluna o kahi moe nawaliwali no kekahi wa loihi, me ko'u haaaio pinepine ole ana'ku mawaena o oukou ma. na haiolelo hooikaika balota iloko oia mau la. Aia na balota he 136 no'u ma ka mahele 9, Apana 5, a o kuu luhi no keia o na kau koho i hala ae, e nee ana mai ka wa mai o ka Elele aloha a ka Lahui, oia ka mea Hanohano R. W. Wilikoki. E nee aku ana malalo ona, ka mahele 14, nona na balota 111, ka mahele koho e haulani nei ka nupepa Ka HIWAHIWA a KA LaHUI; a o ka helu ekolu, oiakamahele 11, kahi a'u i hookulaiwi ai no kekahi mau makahiki lehulehu; a, ukali aku na mahele koho e ae, mai ka 1 mai a hoeai kē'ss. Ma ka Apana 4 hoi, e nee ana na b"alota i loaa ia'u mai ke 98 a hoea i ka 3. . ' Ua pili mai oukou iloko o'u, a i ua pili aku au iloko o oukou, a e kali no kakou me ka hoomanawanui no ka wa e hookoia ai ka oukou mau lia ana ame na upu ana ma o'u nei no na'mea i hiki ia'u ke hana no ko kakou mau ponoameko ka iahui holookoa hoi elike me ka-ike ame ka makaukau i loaa ia'u ma ke Kanaame na moolelo no ka nohona o ka lahui holomua loa oke ao nei, na kumu' hoohalike kupono hoi e hoomahui aku ai ko kakou mau kalai aupuni ana. Me ke aloha nui ia oukou apau, -70SĒPH MOKUOHAI Honoluju Nov. 10 1905.