Kuokoa Home Rula, Volume VI, Number 51, 18 December 1908 — He Moolelo NO KA Hooilina o Rivela a me Ka Ipo Aloha i Ka Oni Kapalili a Ka Puuwai! A I OLE KA UI HAPA ITALIA A HAPA PELEANE. [ARTICLE]

He Moolelo NO KA Hooilina o Rivela a me Ka Ipo Aloha i Ka Oni Kapalili a Ka Puuwai! A I OLE KA UI HAPA ITALIA A HAPA PELEANE.

Ke Alahele no Oremona Hale-O ka Wahine Himeni Keaka Keia—Aohe Lua o ka Nani! Auwe! Ikeia Au e Ke Aloha!!

HOQMAUIA. I ka,wa i hoomaha iho ai o ke kani ana a na mea kani, o ka manawa ia i kunou mai ai o Mr. Stapleson ia Miss Howard. Elike me ke kaomi ana aku a, kekahi manamanalima maluna o ke pihi o ka bele uwila a loheia kona kani kapalili ana i kahi i hoounaia aku ai ka olapa uwila, pela iho la ke ano o ka nee ana o ka hoeueu o ke kunou poo a ka luna alakai nui i haawi .mai ai ia Ana, a poha maikai ae la kona ]eo me ka haalulu ole ame ke ano hoomaka'uka'u ole hoi. He wa ia o na mea apau i okala ae ai me ka ilihia nui, oiai ka leo kani melodia o ka Ui makua ole o Rivela Home, e lele anuunuu ana maluna o na hua mele o ka pepa himeni ana e paa ana me'ke pihoihoi ole. Auwe nohoi ka nani e kuhpauia nei e Aria! Auwe nohoi ka Ui e o mai la ma na helehelena apau' o ua wahine opio nei o ka lio keokeo o na kula mauu nene o Rivela! Aohe lua o ka nani i loheia e na poe mele o loko Lairika Hale Mele elike me keia a\lakou e lohe nei, koe wale no o Stapleson ame Paulo. Ua meleia e Aria ua himeni nei ma ka papa kiekie i oi aku i ko ka mea maa mau i himeniia ai ia himeni e Miss Alaferede, ka puukani helu ekahi o loko o *Lairika Hale Mele. Ma ka hoomaopopo a na mea apau ia wa e lohe nei i ka himeni a ka lede malihini, ua like loa kona mau ano ame kona kulana me kekahi anela i penaia me ka nani nui a paa ma kekahi kii. Ua himeni o Ana makua ole i ka mahele mua o ua mele nei me ka paa-pono loa o ka manawa; aohe -wahi hua mele paewa, aohe hoomaha i haalele wale ia, aohe hoailona alakai mele i hoo'hemahemaia e ia. Ma kahi o ka piano,_ ua kuu aku Ia ia i ka nanahe mama o kona leo, ma kahi o ka adagio, he oni nawe malie ko laila, a hoea i ka ahdantes, he hoeueu mama hoolailai ko laila, a kani pono hoi, i ka alegoro, he kuu pau paukiki ko laila, a pela wale aku. Ua lawe ae o Aria i ka nani o kona leo a ku i ka walohia ma na wahi oia ano kaunu o ka himeni, a ma kahi pohoi e kupikipikio mainaina ai ka noonoo, mamuli o ka hoolalalau a ka ipo-ahi, e hoea maopopo mai ana no ia manao maloko o kana himeni ana. I ka hele ana a pau ua mahele mua nei, kuu iho la ka ieo o Aria iloko o ka papuhea lai malie o loko o ka mele, koe wale no ka eko (eeho) o kona leo e kupinai ana i ka upoho maluna o kahi ana e ku ana. ,0 keia ka manawa a Aria i ano kupikipikio ae ai kona noonoo, ma ke ano ua loaa paha he wahi' anuu a wahi hewa hoi ma kana himeni ana; aka, iaia i noonoo ai pela, o ka manawa ia i haluku iho ai o oloko o ka hale mele, ina hehihehi ana a na kapuai, o na mea apau o oloko o na puali elua, puia pa'apa'aina ae la ia manawa na pohapoha pa'ipa'i lima p laapoel^. A o Paulo hoi keia, ke kupenu la oia i kona «nau maka, oiai ua haale iho la na kulu waimaka a kau. i kona . mau lihilihi, oia no oe o na kulu kehau i ka eheu o ke kakahiaka. No ka hauoli mai keia mau waimaka o ua wahi Paulo nei. Ua lanakila o Miss Howard; kona kaikuahine, maluna o ka hana malihini, akahi no akahi a maalo imua o kona mau maka. Ua hoopakele kona kaikuahine i na ola makamae 'o kona mau hoa paahana, a pela nohoi me k'ōha iho, nokamea, o kahi hana wale iioia i loaa ia lakou i mea e loaa ai ka lakou mau papaa palaoa ame na wahi apana i'o bipi. Mr. Supleson hoi keia, aole hiki jaia ke-uumi iho i ka nui o leona hauoli i ka hiki pono ana ia Miss Howard ke himenr,-ka mea hoi ana i moeuhane ole ai, e hiki ana iaia he hana me ka holo pono loa, me he mea la, he I§o mele ia ia ua paanaau mua iaia. " hoi aja wale no, aka, o ke kani kekahi q ka leo o Miss Howard. He kani keia ana i lohe ai i oi aku i ko kela kani mua ana i lohe ai ia Miss Howard e himeni ana maloko o kahi keena o Paulo. Nolaiia, ua hele mai la la, mahope iho o ka pau* ana P na.hehihehi ana ame na paipai ana a' kona poe kanaka, a haawi ?nai la i lee kpnou hoomaikai ana imua o Howard, Eia nae, mahope koke iho, ike ,ae la o Ana i ka huli like ana ae o na maka o ka poe himeni apau o kahi ana e ku ana a kiola aku la i ka lakou mau naha ana i kekahi •wahi okoa aku o kafci a Jakou e ku ana. A uhi koke iho Iā ka Jiakant} mumule maluna o lakou apau," "Heaha hoi keia?" wahi 3 Aria i ninau iho ai ilokp iho ona, Aka i kona huli ana ae a nana aku ma kahi a na poe e ae e kaulona ana i ko lakou mau maka, aia hoi, ike mai la oia i ke kli aku aNkekahi i hele nolioi a hihimanu kona_mau' paikini e koino. ana. Aia ka nanaina

huhu maluna ona, a i ka huii pono ana mai a kona mau ti)aHa a nana mai iaia nei (Aria) me he mea la, ua ike aku keia i ka hulili mai a ka huhu ame ka inaina piha ma ua mau onohi maka nei. "Owai la hoi nei wahine?" wahi a Aria i nianu iho ai iaia iho. <{ 0 Miss Alaferede anei keia?" He oiaio o ua wahine himeni kamana nei keia o Lai--1 ika Hale Mele. oka puukani keia nana i pa'a ke kauina ame ke ohohia nui ia o ua hale mele nei. ' Haalele iho la ua Miss Alaferede nei i kana wahi e ku ana, a hele mai la oia me na kupuai awiwi loa, elike no me ko n'a kapuai oka mea i hele a i ka inaina. I leona hele ana mai, elike me ke kapakeu ana a ka moa puiwa, ua haawi aku la kekahi hoa o loko o ka papa himeni i ke nloha kakahiaka iaia, aka, aole oia i pane mai. Ke hookuu pau la no ia i ka onioni hooueue a kona pauku kino. Kaukpe ae ' a j me ka mahamaha ole ae i kona mau hoa, a hoea ana ia imua o Mr. Stapleson, ame ka leo piha enaena i ka huhu, ninau aku la ia i ua luna nui nei: "What is this? Heaha keia?" Alaila, pane mai la 6 Mr. Stapleson: Good Morning, Miss Alaferede," a panai mai la oia i ninau maluna o ka ninau: "What is what? Heaha keaha?" "Heaha ke ano o keia hana?" i awala aku ai no ua Miss Ala!erede nei i ka ninau, me ka hehi* oolea ana iho 0 kona kapuai maluna o ka papahele. E hoomaamaa wale ae ana nohoi makou i ke mele ame na olelo o ka himeni o "Ke Kamaliiwahine i hoopaahaoia," i pane mai ai ka luna nui. Ij' P e hea? E hoomaamaa ana oukou ma ka'u mau mahele e olelo aku ai a e himeni aku ai nohoi?" i ninau aku ai no ua Alaferede nei i ka luna nui, me ka leo nui, ame kona huli kapakahi ana mai hoi a nana mai la ia Aria me ka piha enaena nohoi o kona mau maka i ka 'huhu ame ka inaina, "Ae, ke hoomaamaa nei makou i kau mau maheie o ka himeni a pela hoi me ka hoomau ana mai hoi i ka olelo ana: "Hauoli maoli ka hoi au i ko'u ike ana, ua pau ka eha oko puu. Aole au i lohe mamua aku nei i ke kani maikai -o ko leo elike me ko keia a'u 1 lohe aku nei ia oe. He keu ke kani." 0 keia mau olelo hope a Mr. Stapleson i hoopuka mai ai ia Miss Alafereda, he mau olelo hoomaoe wale ia ana i kii mai ai no ke kaka?za .o na olelo a ua wahine nei. Ua ike iho la nohoi ua Miss Alafirida nei ia mea, a ua ano pau loa kona inaina no Stapleson. "Ke ike nei au, wahi a ua Miss Alafereda nei i pane aku ai me ke kuha'u ole iho. "Aohe o'u makemakeia e himeni hou maloko o keia hale mele. Kaumaha maoli au no keia hele ana mai nei o'u. E hoomau aku oukou i ka oukou hana. Ua mau olelo a ua wahine nei j hoopuka ae ai i mea e maikai ole ai ko Aria noonoo, nolaila, me ka hiehie maikai o kona oiwi kino, ka wainohia nohoi o kona mau ano apau, ame ka leo olu waipahe, pane mai la oia imua o Miss Alafereda: "Hauoli loa au i kou hiki ana mai la. I hoao wale iho nei no au e himeui i kau mahele, me ko'u man w hiki ana ia'u, eia ka auanei, aole. Nolaila, e oluolu ana kou mau hoa ke lawe ae oe i kou wahi maa mau, a e hookuuia mai hoi au. 0 ka mea maopopo loa, aohe hookahi mea mawaena b ka puali himeni a pela no maloko o ka puali hookani pila i hauoli no ka hoi hou mai o Miss Alaferede ma kona iloko oka puali himeni. oka lakou i iini nui ai ā i makemake loa ai ma.ia wahi, oia no o Miss Howard. Huli mai la ua Mīss Alaferede nei me na maka hookokoe a nana mai la ia Aria, e hele ana kana nana hoomakuekue ana mai luna iho o Aria a hoea ilalo, a mai lalo hou ae hoi a hoea iiuna, alaila, pane mai Ia ia: oiai hoi ia ay i pane mai Ia! Owaila-hoioe a'u 1 ike ole ai. Aole ooe ko'u mea nana e kena mai e noho maloko nei o keia hale, a i ole, e haalele iho paha ia loko nei o keia wahi. Owau no ko'u haku no ka'u mau hana apau a'u i makemake ai. e lawelawe aku, nolaila, na'u ponoi no e rula i ka'u mau hana, Oiai, ua kikoo aku oia nei ja oe i pani ma ko'u wahi, nolaila, e noho oe ma ia wahi. A e hoomaapopo oe no kou kuleana iho. 0 ko'u hoa kamailio i keia wa, o ke poQ no ia o keia hale hoikeike. Alaila, huii ae la ua Miss Alaferede nei° a kamailio aku la ia Mr.. Stapleson: "O oe ko'u hoa kamailio. Ua Aaopopo loa ia'u, aohe ou makemake hou i koe ia'u. Nolaila, e lohe oe, i keia sekona a'u e kamailio pu nei me oe, he wahine: himeni au no ka hale mele Koraneta, Aole loa au e noho maloko pei p keia hale ma ke ano paa lalo au no kahi mea e ae. No, no." Ia wa nanao iho la ua Miss Alaferede nei iloko o kona poli a unuhi ae la i kekahi pepa a kiola aku la ma kahi a Stapleson e ku ana, me ka olelō pu ana aku hoi: "Eia ko aelike — " Aole i pau