Kuokoa Home Rula, Volume VII, Number 10, 5 March 1909 — Kanawai Malama me Kokua i ka Ohana o ka Mea i Make Oiai e Hoopnoponoia Ana Kona Waiwai. [ARTICLE]

Kanawai Malama me Kokua i ka Ohana o ka Mea i Make Oiai e Hoopnoponoia Ana Kona Waiwai.

E ikeia ana ma ka aoao ekahi o ka inakou pepa o keia la ka bila kanawai a Mr. Castro i hookomo aku ai iloko o ka Hale o na Lunamakaainana e p'ili ana no ka malama ana ame ke kokua ana ī ka ohana o ka mea i make, oiai e Hooponoppnoia ana kona waiwai imua o ka Aha. He kanawai keia e hoomahuahua ana i ka pono e loaa ana ī ka wahine ī make kana kane, a he waiwai hoi ko ua kane la e hooponoponoia ana īmua o ka Aha, a pela hoi ke kane i make kana wahine, he waiwai kona'e hooponoponoia ana. Oia ano pomaikai pu no ke loaa ana i na keiki aka mea i make. Aia ma ka Pauku 2278 o na Kanawai Hooponoponoia, oia hoi ka Pauku 1309 o ke Kana wai Kivila, o 1859, a o ka Pauku 1913 ia o ke Kanawai Kivila i hooponoponoia e Mr. Ballou, ua kaupaleia ka loihi o ka wa e noho ai ka wahine kane make maloko o ka hale (ponoi) o kana kane i kanaono (60) la wale no, a iloko oia mau la he kanaono wale no e loaa ai i ua wahine kane make la he haawina dala nona e ola ai noloko mai o ka Vfaiwai oke kane. Aka, ma keia bila kanawai a Mr. Castro, ua hoomohala mahuahua loa ia aku keia pono, a pela nohoi ka loaa ana oka uku malama ola. Ma ke Kanawai eku nei i keia wa, aole i loaa īa pomaikai ina kane na lakou na wahine waiwai i make, koe wale no kahi kueana wa ola iloko o ka akahi hapakolu o ka waiwai paa oka wahine, ina he keiki a mau keiki ka laua e ola ana. He nui na mahelehele hoopomaikai ma keia kanawai a Mr Castro.