Kuokoa Home Rula, Volume VII, Number 13, 26 March 1909 — REV. SERENO EDWARDS BIHOPA, KA LOEA AKEAKAMAI HAWAII-UA HALA. [ARTICLE]

REV. SERENO EDWARDS BIHOPA, KA LOEA AKEAKAMAI HAWAII-UA HALA.

Umi minute i hala o ka hora 8 o ka po Poalua nei, i ..ookuu mai ai o Rev. Sereno Edwards Bihopa i keia ola ana. He 83 ka nui o kona mau makahiki a hala aku la He oiwi hanau oia no ka mokupuni o Hawaii. Ua hoonaauaoia oia ma ke Kulanui o Amherst, a puka oia ma ka M.H. 1846, me ka inoa hanohano A. B. Kanalima makahiki mahope mai, loaa mai iaia mai,'ia kula hookahi mai no ka inoa hanohano D.D. (Doctor of Divraity—He Loea ma ka Holke Akua). tuka oia mai ke Kula Kahunapule mai o Auburn; ma ka M. H. 1851, a i kekahi makahiki mai mare oia me Cornelia A. SessioHs, he kaikamahme na kekahi Kahunapule Peresebiteriano. Hoolaaia oia i Kahunapule no, ia aoao hoomana, ma ia manawa no. Huli hoi mai oia no Hawaii nei, i ke one hanau, ma ke alahele moana ma ka Lae Hao mai. Pakele ko lakou moku mai holo-a-ia iloko o ka opu o ka moana,yma ka loaa ana i'kekahi ino nui mawaho ae oka muliwai Amazona. Lilo oia i Kahunapule ma Lahaina, no -na luina moku, 9 makahiki ma ia hana; eha makahiki i noho kahu ekalesia ai ma Hana, Maui, 12 makahiki noho kumu ao no ke Kulanui o Lahainaluna. Mahope mai, hoi loa mai oia i Honolulu nei no ka nawaliwali oke ola kino. He anaaina ka hana e loaa ke ola. Lilo oia i lunahooponopono no ka nupepa ekalesia ka Hoaloha (Friend). He mau makahiki ka lawelawe ana. Ua komo kuhohonu loa kona ike ame ka noeau ma na mea pili akeakamai pih ao hoku me huli honua, a ua loaa kona mahalo nui ia ana. Oiai oia e noho kumuao ana no.ke jKulanui ( o Lahainaluna, ua kakau oia ī ka o Enelani no na mana o ke kula, pela me ke Aohoku, a pela nohoi me ka Akeakamai ona mea ī ikeia. He mau buke kakaulima keia. Ma ka M. H. 1898. ma ka manawa e noho hooponopono ana, ka lunahooponopono o ke Kuokoa Home Hula nei, i ka nupeupa Kuokoa a haawi makana maioiaikeia maubuke waiwamui (īkaLunahooponopono) a eiapo nei raaubuke mako makou v aihona buke. Hewaiwai makamaeia namakou e hiipoi nei. Ua aie nui makou i kona lokomaikai. O na buke akeakamai o na mea i jkeia e paa nei ma na lima o kekahi mau haumana o Lahainaluna i aoia e Bihopa, he mau kope wale no lakou no ka buke kumu a makou e paa nei. Ua lilo k?ia mau buke i mau kokua nui no ka lunahooponopono o keia pspa, ma kana hana hoomakaukau ika buke hoakaka huaolelo Hawaii ma ke ano Encyclopedia, e nee liilii nei no i keia wa. Ua hoomaha o Bihopa, ua kuu konaluhi.