Kuokoa Home Rula, Volume VII, Number 31, 30 July 1909 — HE KULIKE OLE. [ARTICLE]

HE KULIKE OLE.

Ua hoikeia mai imua o makou, eia kekahi poe wawahi olohani mai Honolulu aku nei, no ka hele ana i ka hana ma na mahiko o Ewa ae nei, ke hana nei i na hana a' rnakou e olelo ae ai he kaulike ole. Oia hoi, hoea keia poe ma kahi hana, a hele hoolalau wafe aku ma kekahi mau wahi e ae me ka hana ole, ame ka ike ole ia hoi e na luna. Pela mau ka, e hana mau ai i na la hana oka pule. A ma ka ohi ana nae i na uku hana, e loaa mai ana no ia mau dala me ka lele ole aku o kekahi pepeiao a iihilihi o ke dala a na mahiko e uku mai ai.i ua poe la. He ula-paa ke dala a ka mahiko e loaa ana i ke kanaka hana; aka, o ka hana nae a kekahi poe wawahi olohani e haawi ai no ke dala ula-paa a ka mahiko, he manumanu no ia me ka nihoniho ahulahulu. He kaulike anei ia? He mau olelo hoaiai keia a makou e waiho aku nei imua oka lehulehu. Malia paha, he mau olelo lalau wale no paha keia i hoikeia mai ia makou ma ke ano imi-hala, aka, aole no nae, he mea hewa ke hoomaopopo iho no ia mea he kaulike nuiwaena o ka mea haawi hana ame ka mea paahana.