Kuokoa Home Rula, Volume VII, Number 33, 13 August 1909 — POKA ULU OLEIA E KA LIMU. [ARTICLE]

POKA ULU OLEIA E KA LIMU.

"E Toma! Heaha la ka mea i ulu ole ai ka limu o keia poka a ulu hoi ko keia Rola?" wahi a Dike i kekahi auina la. "Auwe! O ka 25 makahiki keia o ka waiho ana o keia puulu hao iloko o keia kahawai, aole ka i ulu ia keia poka e ka limu." "Pehea i maopopo ai ia oe kela manawa?" 'Na maua no hoi me ko'u Papa i lawe mai keia puulu hao mai ka hale wiliko mai o Wilikaa-i maluna o na kaa bipi a kiloi iloko o keia kahawai. Aka, o ke kumu ulu ole ia e ka limu, aohe i maopopo ia mea ia'u. O Tutu Hare paha ka mea i maopopo?'' "'E Harel Kupanaha maoli ka ulu ole ia o keia poka e ka limu. No keaha la?" "Auhea olua e a'u mau moo. ike nei no olua i keia pa-ala?" "Ae," wahi a Toma. "O ke kau ana o keia poka iluna o keia pa-ala ke kumu o ka ulu ole o ka limu. I ka manawa a ka wai o keia kahawai e kahe mai ai me ka ikaika, e kakaa hele ana keia poka, a hiki ole i na oilo limu a mea liko pha ke ulu ae." "Peha hoi keia Rola, uluia hoi keia e ka limu, a ulu oleia hoi keia?" Pela nol Aka, e hoomanao iho olua, mamuli o ka loihi o kela rola e o-i iho ana kona mau ka'e ma kana wahi e nee ai a paa oia. Aole e nee hou. Nolaila, loaa no he manawa no na mea ulu o ka wai nei, e ulu ae ai maluna ona. Pela io ka e kuku! He kahaha loa ko maua mau noonoo no keia mea. O ke kakaa mau ana ka, o keia poka maluna o keia pa-ala kona kumu i ulu oleia ai e ka limu wahi a Hare a holo akula laua a nalowale iloko o ka mala huika.