Kuokoa Home Rula, Volume VII, Number 37, 10 September 1909 — KA MOOLELO NO KA Hooilina o Rivela a me Ka Ipo Aloha i ka Oni Kapalili a ka Puuwai! A I OLE KA UI HAPA ITALIA A HAPA PELEKANE. [ARTICLE]

KA MOOLELO NO KA Hooilina o Rivela

a me Ka Ipo Aloha i ka Oni Kapalili a ka Puuwai!

A I OLE KA UI HAPA ITALIA A HAPA PELEKANE.

Ia Aria i nana pono aku a : , ike aku la ia iua wahi keiki nei i ninau mai ai, ina paha o ko Miss Howada wahi ia e noho ana, he wahi keiki ia ana i ike ai i kekahi wa, e paahana pu ana me na poe kamaama i hana ai i kahi mau la i hala ae iloko o Lairika Hale. O ua wahi keiki !a hoi, ike mai la no oia o Miss Hosvada no ia e ku aku ana, nolaila, pane mai la ia"O &e no ka ia, e Miss Howada. E oluolu mai oe, e hoike aku au ia oe, he kauoha ka Paulo i hoouna mai nei ma o'u la nou." Ua hoopuiwa loa ia ae la o Aria no keia olelo ana mai aua wahi keiki nei, na Paulo oia i hoouna mai. Ninau aku la oia iua wahi keiki la: "Pehea! Ua pilikia ia anej 0 Paulo?" Pane mai ia ua wahi keiki nei: "Aole oia pilikia maoli, aka, he ano e nae kona, wahi ana i hoike mai nei ia'u." "Aia oia ine Mr. Maunakamala (Mr. Montgomery). Haalele aku nei au i ka hale keaka, e noho anano laua iloko o kahi hookani pila," wahi a kahi keiki i pane mai ai. Hooia aku la nohoi o Aria imua o ua wahi keiki nei, ma ka olelo ana'ku: "Ae; ua ike no au ia mea. Nolaila, e kali oe a hoi mai au, alaila, hele aku au me oe." O ko Aria hoi hou aku la no ia no luna o kona rumi, loaa ka papale ama ke kuka mahana, iho aku la ia a hoea ma kahi eku ana ke keiki nana oia i kii mai, alaila, pane aku la oīa: "Ina kaua. E wikiwiki kaua. Mahalo loa 'au 1 kou hele ana mai nei e hoike mai ia'u i keia pilikia o Paulo." "E uhai mai oe ia'u," wahi a kahi keiki i pane mai ai, me ka hoomau ana hoi i ke kamailio ana mai ia Aria: "Aia ma o kahi i ku ai ke kaa a Paulo i hoouna mai nei nou. A he palapala ka Paulo i hoouna mainei nau, o ka pilikia nae, ua haule aku nei ua palapala nei ia'u, no ka puapuahulu loa o ka'u holo ana,,mai nei. Aole no nae o'u manao, he mea ano nui e ae kekahi maloko o ua wahi palapala nei, koe wale no ka olelo e kauoha mai ana ia oe e hele aku." Kau laua nei ma ke kaa, kani ka uwepa a kē'kālaiwa, hele ana laua nei ma ke alanui Duke. Mamuli o ka hoīo nui launa ole mai o nei hele ana o ke kaa, aole hiki ia Aria ke hoomaopopo i kahi oke kaa e holo nei. Oia holo oua kaa nei a ku ana mawaho iho o kekahi hale. Oili aku la kahi keiki mai loko aku o ke kaa, $ ku ana ma ke alanui, a lele aku Ia nohoi o Aria, aku ana ilalo. Poha ka uwepa a ke kalaiwa, hala.aku la ua kaa nei. Alaila, komo aku la kahi keiki aka maalea nui wale iloko 0 kekahi hale, a hahai aku la nohoi o Aria mahope ona. O ko laua nei hele aku la ia ma ka "hall" o ua hale nei, a lohe ana o Aria i ke kani mai o na mea kani, ia wa ku iho la o Aria me ke ano e o kona noonoo, a ninau aku la oia i kahi keiki: "O ka hale hea keia? Ua kuhihewa paha kaua i komo mai nei iloko neio keia hale?" "Auhea oe e Miss Howada," i pane mai aikahi keiki, me ka hoomau ana mai nohoi i ke kamailio ana, "he wahi mea paina ka Mr. Maunakamala (Mr. Montgomery) e haa wi nei maloko o keia hale. Oka hotele Midnight keia. A uahele pu mai nei oia ia nei me Paulo, no ko Paulo hoohanoha€o ana i na hana o keia po. Ua makemake hoi o Mr. Montgomery, e hookuu i na kanaka ana i kono aku ai mai loko aku nei o keia wahi, na Paulo hoi ka hoole paakiki loa, aole e hookuu i na hoaloha." "Ae. Oko Paulo ano iho la no ia. He noonoo oluolu a maikai kona," i pane aku o Aria. "E uhai mai oe ia'u, e Miss Howada. Maanei mai kaua," wahi a kahikeiki. Hele aku la ua wahi keiki nei mamua, ā ke hahai aku nei o Aria inahope, me ka piha ano e loa o kona noonoo. Aka, mamuli o kona lohe ana'ku ike kani mai o kekahi vaiolina, he ano like kona kani ana melto ka Paulo vaiolina, nolaila, manao loa iho la oia, aia io no o Paulo maloko oia hale. Oia hele o laua nei a hiki ma ke pani puka, lohe aku la o Ana i ka akaaka mai o kekahi poe keonimana maloko o ka rumi a laua nei e ku aku nei mawaho o ke pani puka. Ia wa i kuemi hope mai ai o Aria, a nana pono loa aku la oia i kahi keiki me ka piha pahaohao loa o kona noonoo; a mahope, pane okoa aku la oia ī ua wahi keiki nei: "Aole o Paulo kekahi maloko nei. Ua maopopo loa ia'u aole oia kekah: o ioko o kela puulu hauwalaau pioo. Aole ia oko Paulo ano. O kahi maluhina maikai, o kana wahi ia e makemake ai e noho, Aole o kahi ana na leo pupule a hehena elike me ka'u e lohe nei." Pane mai la no kahi keiki me ka maka'u ole, ame ke koa launa ole nohoi: "Ae; aia no o Paulo iloko nei, e Miss Howada. Alaila olelo aku la o Ana i ua wahi keiki nei: ' -'E komo aku oe iloko, a e hai aku oe ia Paulo, eia au mawaho nei. E hai pu aku nohoi oe ia mea ia Mr. Montgomery." . , O ka hemo mai Ia no īa o ke pam puka ī ua wahi keiki nei a ike aku la o Ana ia loko o ke keeka, ua hele nohoi a piha kn'i i na keonimana hanohano, a e hauwalaau ana nohoi ua poe la. , Ke ku nei o Aria me ke ano pihoihoi loa o kona ndonoo, me ka'haka pono ana'ku hoi'o kona mau onohi maka pahaohao i ua anaina pahaohao ne». Eke kiai —Heaha ko ka Po? Akeiapuleae.