Kuokoa Home Rula, Volume VII, Number 40, 1 October 1909 — He Palapala Hoomaikai PALENA OLE I AWU I PU IA MEKE ALOHA. [ARTICLE]

He Palapala Hoomaikai

PALENA OLE I AW@@ [HAAWI?] PU IA ME KE ALOHA.

Owau o ka mea nona ka inoa malalo iho nei ke haawi aku nei au i ka'u mau hoomaikai palena ole ana a nui loa ia oe e W.F. Pogue, ka Lunahoomalu o ka Papa Lunakiai o ke Kalana o Maui Hon. A.N. Kepoikai, Makai Nui, Wm. E. Saffery a me kou puali makai, pela me W.T. Robinson, ka mea a kuu kane aloha i kauoha ai me oe ka hooponopono ana o na mea e pili ana no kona huakai hope loa, pela na poe hapai pahu ame na Kahu Ekalesia Ekolu na lakou i malama i na hoomaikai hope loa ana maluna o ke kino o kuu kane aloha ma ka luakini o Kaahumanu ame ka pa ilina ame ka poe hoi na lakou i lawe na hoolilo o ka wa-hi ana i ka hale lepo o ka'u mea aloha, pela no hoi na keonimana na Lede ame na hoaloha, ka poe i haawi mai i na kokua hoowehiwehi pua ame na kokua e ae o kela ame keia ano me ke kau koo pu ana me a'u ma ka huakahi hope loa o kuu kane aloha mai ko maua home aku no ka luakini a hiki loa aku i ka ilina, a me na poe no apau loa. E oluolu mai oukou apau loa e lawe aku i ka'u mau hoomaikai palena ole ana no ka oukou mau hana ku i ke aloha ame ka ukali pu ana ma kona huakai hope loa a hiki i ka halelua kahi o ke kino o ka'u kane aloha e waiho ai no ka manawa mau loa, nolaila, o ka'u mau hoomaikai apau maluna pakahi o oukou apau loa. Owau iho no me ka Oiaio, Mrs. M.H. KAIUE Kalua-Kai, Wailuku, Maui.