Kuokoa Home Rula, Volume VII, Number 43, 22 October 1909 — UA HALA MA KELA AO. [ARTICLE]

UA HALA MA KELA AO.

(Kone mai kela pule mai.) I ke kukulu ana mai i ka moolelo o ko Senatoa S.E. Kaiue ola ana ma keia ao e hoomaka ana mai kona mau la opio mai o ka huli ana i ka naauao a hiki i na la omaka mua o kona hoomakili ana ma ke lawelawe hana ana, a hiki i kona hala ana aku la e ike ia no ma keia moolelo o Senetoa Kaiue, oia kekahi o na kanaka Hawaii koko piha i helu ia ma ka papa ekahi o na kanaka Hawaii i pii a lawelawe ma na anuu like ole o kela ame keia oihana e like me ia a kou mea kaku e hea papa aku nei, a o ka oi loa aku no nae o ke anuu kiekie loa ana i pii a lawelawe ai iloko o na la o kona ola ana, oia no ke anuu ana i pii ai i Hope Peresidena a noho Peresidena maoli i ka wa hookahi no ka Hale o na Senate o ka Ahaolelo o ke Teritore o Hawaii. Ua mare ia oia e Mrs. M.H. Kaiue ma Hanakaulua, home noho o Rev W.P. Kahale ma Wailuku, imua no o Rev W.P. Kahale, ma ka la 1 o Aug, M.H. 1881, ua like ma 28 makahiki, 19 hora ame 25 minute na la o ka laua pili ana iloko o ke kaula gula o ka noho'na kane a wahine ana a hala aku la oia. He 54 makahiki, 5 mahina a me 25 minute a pio iho la ke kukui o kona hale kino ma ka hora 5:25 minute o ke ahiahi Poakolu, Sepatemaba 1. Aole a laua hua ponoi mai ko laua mau puhaka mai, aka, he mau keiki hanai ka laua ma o kaua mau hoaloha mai, oia o Miss Minnie K. Ahii [?], Sam Waihinano Kaaiakamanu ame Sam P. Kaiue. O Senetoa S.E. Kaiue, he Puuku oia no ka Papa Kahu Waiwai o ka Ekalesia o Kaahumanu, ma Wailuku, a he Lunakahiko no ia Ekalesia a he hoahanau pu, a he Puuku no hoi ka Papa Kahu Waiwai o ka Ekalesia o Keokoa, Kula, Maui. He kanaka oluolu o Senetoa S. E. Kaiue ma na ano apau, he lokomaikai, he heahea, he hookipa, he puuwai hamama, he Ipukai apo'ipo'i ole, he umeke komikomi ole a he kuono paa ole aku, a he like wale no na mea apau iwaena o kona mau holoha iaia, mai ke kiekie a ka haahaa. Nolaila, o oe e Hana ka Apana i holo ma ke meke na ka Ua i huki a haahaa ka Lani, a pela no hoi oe e Makawao ka Apana i kaulana i ka Ohi i ka Io o ka Laau, a komo i ou la e ka Hekuawa aina malu i ke ao home noho o S. S.E. Kaiue, o oe no hoi e ka huaai molale ka lau o ka ULu o Lahaina i ka malie kahi a S. S.E. Kaiue i hookumu mua loa ai i na pohaku kihi o ka nee ana o kona mau loa o ke ola ana, a pela no hoi me oe e ka moku a Kaululaau o ke heke no oia aina hanau o ka Bisimaka Hawaii, Senetoa S.E. Kaiue i hala aku la i ke ao Polikua a-Kane—e, ua pau, ua pau loa ko oukou ike hou ana i kona mau helehelena, aole hoi e lohe hou i kona leo no ka manawa mau loa. Aloha no. Owau no o kona hoaloha Oiaio, G. L. KOOKOO [GL KOOKOO / G.L. KOOKOO] Wailuku, Maui.