Kuokoa Home Rula, Volume VIII, Number 36, 9 September 1910 — KAHUA HANA O KA AOAO KUOKOA HOME RULA. I Aponoia e ka Aha Elele Teritore i Akoakoa ma Honolulu, Kulanakauhale a Kalana o Honolulu Augate 15, 1910. [ARTICLE]

KAHUA HANA O KA AOAO KUOKOA HOME RULA.

I Aponoia e ka Aha Elele Teritore i Akoakoa ma Honolulu, Kulanakauhale a Kalana o Honolulu Augate 15, 1910.

(Manao Hoakaka Laula) Ua manao makou, he mea pono e Hookumu ia na Aupuni apau maluna o na kumu kaokoa o ka noho lanakila, ka nohona keakea ole ia, ame na pono kaulike e loaa ai k Kahua Lanakila no ka Lehulehu. Ua manao makou, ua hanau pu ia mai ke kanak ame kona mana kuokoa, a he like hoi na mea apau imua o ka maka o ke Kanawai a i hoohua mai hoi me na kuleana kuokoa, oia hoi ke ola, ka noho Lanakila ana ame ke ola, ka noho lanakila ana ame ka imi ana i na mea e oluolu ai ka noho ana, me ka hoomalu ia mai na hana lima ikaika ia mai ame na manao alunu o ka hoohaiki mana, a e loaa oiaio he aupuni kaulike no ka Lehulehu ma o ka Lehulehu, a na ka Lehulehu.

O NA KAHUAHANA A KA AOAO KUOKOA HOME RULA, UA HOOKUMUIA NO IA MALUNA O KA MOTO "KA PONO KAULIKE O KA LEHULEH[U] "

KA HANA A KA ELELE LAHUI MA WASINETONA

Pauku 1 O ka manaoio o ka Aoao Kalaiaina Kuokoa Home Rula, oia no ka hooikaika ana o ka makou elele Lahui ma ka Ahaolelo ma Wasinetona D. C. e ae ia mai ka Panalaau (Teritore) o Hawaii nei i kulana Aupuni Mokuaina (State), a e kakoo pu aku ana makou i na alakai aupuni hooponopono a kaulike a ka Aoao Repubalika a Demokalaka ma Amerika Huipuia P[a]uku 2 O ka aoao kalai aupuni ma Amerika Huipuia, e kakoo ana i keia Kumuhana, e hoolilo ana i ka Panalaau o Hawan nei i Aupuni Mokuaina, (State) no Amerika Huipuia, oia ka ko makou Elele Lahui e kakoo ai, a pela hoi keia Aoao Kalaiaupuni ma Hawaii nei e kakoo ai me ko lakou ikaika apau Pauku 3 E hooikaika no ko makou Elele Lahui ma na ano apau e loaa mai na pono ame na pomaikai kaulike maluna o na oiwi ame na kupa makaainana i manao hana like me ka nana ole i ka ili aka, e hana ia no ka pono o ka lehulehu Pauku 4 E kue aku ko makou Elele Lahui i ka hooliloia o ka Panalaau o Hawaii nei ma ke ano Aupuni Komisina, a i ole, Aupuni e Hoomaluia ana malalo ka Oihana Koa o Amerika Huipuia Pauku 5 Ke hoopaa nei makou i ka makou Elele Lahui e kiai makaala loa i ka pono Koho Baloka o na kanaka Hawaii e like me ia e upu ia nei e hoololi ae mai ke a-na naauao a ke a-na waiwai, a i ole, ma kekahi ano e ae. Pauku 6 E hooikaika ka makou Elele Lahui, e kuaiia na kai konohiki i Hookahi Haneri Tausani Dala no na Kupa Makaainana Amerika o keia Panalaau Pauku 7 E kauoha pu ia ka makou Elele Lahui e hooponopono hou ia ke Kanawai Aina Aupuni Home Hookuonoono, i Hooholoia mai nei ma ka M. H. 1910 e ka Ahaolelo Lahui, oia hoi, e hookomo ia ka waiwai io o ka Eka aina iloko o ke Kanawai e like me ke Kanawai Hookuonoono o ke Aupuni Makua. Pauku 8 E noi aku ko mukou Elele Lahui i ka Ahaolelo Lahui, e hookaawale ia i Elima Miliona Dala mai loko ae o na Loaa Dute o ke Teritore o Hawaii o na makahiki i hala ae nei no ke kokua ana i na poe lawe aina Home Hookuonoono, i kulike ai me na hooponopono ana a ke Aupuni Amerika ma ke ala wai oki o Nicalagua ma Panama Pauku 9. E noi aku ka makou Elele Lahui i ka Ahaolelo Lahui, e hookaawaleia i Ekolu Miliona Dala no ka hooponoponoia an ao na alanui apau o keia Teritore, oiai o na alanui apau o keia Teritore, he waiwai no ia no ko Aupuni Federala. Pauku 10 E hooikaika ka makou Elele Lahui, e kauia he dute o 8½ keneka no na paona kope a pau e komo ai ana iloko o Amerika Huipuia mai na Aina e mai. Pauku 11. E hooikaika hou ko makou Elele i ka Ahaolelo Lahui, e hookaawaleia i Bila Haawina Dala no ka noii, a imi, a huli ana i na Oiloilo Ma'i Lepera ma Kalaupapa ame Kalawao Molokai Pauku 12 E noi aku ka makou Elele Lahui e hoomaopopo hou aku oia i ka hoomau ia aku o ke kamailio ia o ka Olelo Hawaii ma ka Ahaolelo Kuloko, ame na Kuleana Koho Baloka.